Fota: BBC Food
Kab zhatavać kanape ź biekonam i jajkam, vam spatrebicca:
- 150 hramaŭ muki
- 100 hramaŭ chałodnaha masła, narezanaha na kubiki
- 1 uźbitaje jajka + 2 varanyja i ačyščanyja jajki
- 2 stałovyja łyžki słaniečnikavaha aleju
- 4 tonkija pałoski biekonu biez skury, narezanyja na kavałki daŭžynioj 5 santymietraŭ
- 4 stałovyja łyžki majanezu
- sol i mołaty čorny pierac
- 6 pierapialinych jajek (varanych i ačyščanych)
- liście rukały
- Kab zrabić ciesta, źmiešvajcie muku i masła ŭ kuchonnym kambajnie ci ŭ błendary, pakul jany nie stanuć padobnyja da panirovačnych sucharoŭ.
- Pakul kambajn jašče pracuje, dadajcie ŭ ciesta ŭźbitaje jajka i praciahvajcie ŭsio pieramiešvać, pakul sumieś nie pačnie źbiracca ŭ šar. Rukami sfarmujcie ź jaje šar i pryplaščycie jaho.
- Raskačajcie ciesta na pasypanaj mukoj pracoŭnaj pavierchni i z dapamohaj formački dyjamietram 7,5 santymietraŭ vyražcie 12 kružkoŭ. Vaźmicie formu dla kieksaŭ z 12 vyjemkami i pakładzicie ŭ kožnuju ź ich pa kružku ź ciesta.
- Nakalicie ciesta videlcam i adpraŭcie ŭ maraziłku na hadzinu.
- Razahrejcie duchoŭku da 200 hradusaŭ.
- Vypiakajcie formy ź ciesta na praciahu 15—18 chvilin ci pakul jany trochi nie padrumianiacca i nie prapiakucca. Dastańcie z duchoŭki i pierakładzicie na rašotku, kab astudzić.
- Kab zrabić načynku, razahrejcie alej u nievialikaj patelni z antypryharnym pakryćciom i smažcie ŭ joj biekon na siarednim ahni pa 1—2 chviliny z kožnaha boku da źjaŭleńnia chrustkaj korački. Vysušycie biekon ad tłušču na papiarovaj survetcy ci rušniku.
- Razamnicie kurynyja jajki z majanezam, dadajcie sol i čorny pierac na smak, pieramiašajcie.
- Vykładzicie sumieś łyžkaj u śviežaśpiečanyja formački dla tartaletak.
- Pierapialinyja jajki razrežcie napałovu i pakładzicie na kožnuju tartaletku pa pałovie jajka. Dadajcie kavałak biekonu i ŭpryhožcie rukałaj.
Recept na vychadnyja. Blin pa-finsku
Piać pamyłak, jakija nie dajuć vam zvaryć smačny sup
Recept na vychadnyja. Limonnyja kieksy — prostyja, pryhožyja, smačnyja
3
0
0
0
1
3
