Ich zadajuć nie tolki tym, chto padajecca na atrymańnie DNŽ paśla pryniaćcia źmien u zakanadaŭstvie, ale i tym, chto padaŭ usie nieabchodnyja dakumienty raniej, ale jašče nie paśpieŭ atrymać DNŽ. Tak, naprykład, było ŭ čytača «Našaj Nivy», jaki padavaŭ dakumienty jašče 7 listapada.

Dadatkovaja ankieta składajecca z 11-ci pytańniaŭ, jakija zadajuć na litoŭskaj i ruskaj movach.

Fota: skrynšot ankiety, jakuju treba zapoŭnić tym, chto ŭžo znachodzicca ŭ statusie čakańnia rašeńnia

Fota: skrynšot ankiety, jakuju treba zapoŭnić tym, chto ŭžo znachodzicca ŭ statusie čakańnia rašeńnia

U dziasiatym punkcie biełarusaŭ pytajuć, ci padtrymlivajuć jany vajennyja dziejańni, jakija pravodziacca Rasijskaj Fiederacyjaj na terytoryi Ukrainy. Ankieta praduhledžvaje dva varyjanty adkazu na hetaje pytańnie: «Tak» i «Nie».

11-je pytańnie hučyć tak: kamu, pa vašym mierkavańni, naležyć Krym? Respandentu prapanujuć vybrać z dvuch varyjantaŭ: «Ukrainie» i «Rasijskaj Fiederacyi». 

U kancy ankiety treba padpisacca pad tym, što vy paćviardžajecie toje, što pradstaŭlenaja infarmacyja źjaŭlajecca poŭnaj i dakładnaj.

Zajaŭlalnikam dajecca piać dzion, kab zapoŭnić ankietu i dasłać jaje ŭ Departamient mihracyi. Robicca heta anłajn.

Kali čałaviek admovicca ad zapaŭnieńnia ankiety abo zapoŭnić jaje nie całkam, śpiecyjalisty Departamienta mihracyi majuć prava admović prymać jaho zajavu naohuł.

Takoje ankietavańnie, na dumku litoŭskich uładaŭ, stanie dadatkovym filtram biaśpieki i dazvolić vyjaŭlać zamiežnikaŭ, jakija ŭ siłu svajoj minułaj dziejnaści abo suviaziaŭ ź niedemakratyčnymi režymami mohuć stać pahrozaj nacyjanalnaj biaśpiecy Litvy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?