Tut i dalej — skrynšoty sa zhadanaha videa

Tut i dalej — skrynšoty sa zhadanaha videa

My raspytali pra heta ŭ suviadoŭcy z polskaj terytoryi žurnalistki Aleny Prychodźka.

«Arhanizatarami i inicyjatarami hetych debataŭ źjaŭlajecca kamanda prajekta «Płatforma 375». Biełaruski bok pravodziŭ zdymki ŭ arandavanaj fotastudyi ŭ Minsku — nie viedaju, ci varta ahučvać jaje nazvu. Ja nie viedaju, chto, kamu i jak dazvoliŭ taki farmat ź biełaruskaha boku. Ja i «Radyjo Unet» dałučylisia da jaho na toj stadyi, kali ŭžo było viadoma, chto budzie z taho boku, to-bok proźviščy Cieracha i Azaronka byli viadomyja», — adznačaje viadoŭca.

Pavodle jaje słoŭ, tolki paśla taho jana z arhanizatarami pačała šukać apanientaŭ dla debataŭ.

«U pieramovach z tym bokam ja nie ŭdzielničała, tamu nie mahu adkazać, jak tam usio prachodziła. Ale z taho, što ja viedaju, pieramovy vialisia naŭprost z Azaronkam i Cieracham», — kaža Alena Prychodźka.

«Navošta my na heta pajšli? Usie, chto hladzić Azaronka pa telebačańni, pa vialikim rachunku ź im razmaŭlajuć, a taksama telefanujuć jamu i robiać na hetym kantent — jak Andrej Pavuk u ćviarozym stanie, a chtości napivajecca i telić jamu jak svajoj byłoj. Takija dyjałohi isnujuć, ale jany nie pramyja. Kali źjaviłasia mahčymaść mienavita pramoha dyjałohu (chacia jon u realnaści atrymaŭsia abmiežavany, u farmacie abmienu manałohami), my pabačyli ŭ hetym šaniec pravieści razmovu, jakaja i tak viadziecca», — tłumačyć viadučaja.

Alena Prychodźka adznačaje, što tak ci inakš usie razmaŭlajuć z tymi piersonami, jakija vystupali ŭ strymie ź minskaj studyi: cytujuć, pišuć kamientary, abmiarkoŭvajuć, chejciać i h.d.

«Hetyja abvinavačvańni, kali kažuć: «Jak vy možacie ź imi razmaŭlać? Zaškvar!» Słuchajcie, davajcie budziem ščyrymi: vy ŭsie ź imi razmaŭlajecie ŭ toj ci inšaj stupieni. A kali my zrabili hutarku naŭprost, heta čamuści stała zaškvarnym.

Taksama, pavodle žurnalistki, na mecie miedyja i jaje asabista było prarvać «infarmacyjnuju błakadu».

«Jany tam sabie viaščajuć i słovabłudziać, my niešta svajo stvarajem, a jość ludzi ŭnutry krainy, jakija žyvuć, pa sutnaści, u infarmacyjnaj błakadzie», — adznačaje Prychodźka.

Ci nie dziŭna, što niezaležnym žurnalistam dazvolili pravieści takija debaty z terytoryi Biełarusi?

«Vidavočna, jany byli ŭ hetym zacikaŭlenyja: pajšli na heta i prarekłamavali strym u svaich kanałach. Kožny pasprabavaŭ dasiahnuć svaich metaŭ, — adkazvaje jana.

Ja viedaju, što padčas pieramovaŭ uzdymałasia pytańnie, što paśla efiru, jak by jon ni prajšoŭ, ludzi ź biełaruskaha boku (apieratary, techničnyja supracoŭniki i viadučy Kiryła Paźniak) nie pacierpiać. Jak hetyja harantyi afarmlalisia, ja nie viedaju».

Raniej na kanale «Płatforma 375» užo vychodzili debaty z udziełam łukašenkaŭskich prapahandystaŭ — hod tamu spračalisia Azaronak i Bałkuniec, Cierach i Karač, Vaskrasienski i Ščyhielski. Kanał byŭ zarehistravany ŭ krasaviku 2021 hoda.

Čytajcie taksama:

Dudzinski patłumačyŭ, čamu jon pahadziŭsia na debaty z Azaronkam

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?