Piedra Kastylja z žonkaj. Fota: AP Photo / Guadalupe Pardo

Piedra Kastylja z žonkaj. Fota: AP Photo / Guadalupe Pardo

«Uvodziacca nastupnyja miery: raspuścić časova Kanhres i pryznačyć urad u ramkach nadzvyčajnaj i vyklučnaj situacyi. Jak maha chutčej pryznačyć [datu] vybaraŭ u novy Kanhres z ustanoŭčymi paŭnamoctvami dla raspracoŭki novaj Kanstytucyi ŭ termin nie bolš za dzieviać miesiacaŭ», — skazaŭ prezident.

Kiraŭnik dziaržavy daručyŭ rearhanizavać sudovuju sistemu ŭ krainie.

Kamiendanckaja hadzina budzie dziejničać pa ŭsioj krainie ŭ pieryjad z 22:00 da 4:00 štodnia.

U svaju čarhu parłamient prahałasavaŭ za adchileńnie ad ułady Pedra Kastylja ŭ chodzie pracesu pa jaho impičmiencie. U krainie pačaŭsia kanstytucyjny kryzis.

Ihnarujučy sprobu Kastylja zakryć kanhres, zakanadaŭcy praciahnuli praceduru impičmientu, atrymaŭšy 101 hołas za jaho adchileńnie, šeść suprać, i 10 ŭstrymalisia. Zakanadaŭčy orhan zaklikaŭ vice-prezidenta Dzinu Bałuarte zaniać pasadu kiraŭnika dziaržavy.

Taksama źjaviłasia infarmacyja, što palicyja zatrymała Piedra Kastylju.

***

Kanhres raniej abvinavaciŭ Kastylja ŭ ździajśnieńni karupcyjnych złačynstvaŭ. Prezident u zvarocie adchiliŭ abvinavačvańni i nazvaŭ ich biazdokaznymi. Častka parłamienta ličyć źmiaščeńnie prezidenta «adzinym punktam u paradku dnia» z momantu jaho ŭstupleńnia na pasadu, adznačyŭ Kastylja.

Paśla vystupleńnia prezidenta ŭ štab-kvatery palicyi, jakaja vystupiła na baku Kanhresa, pačałasia ekstrannaja narada. Jość źviestki, što Kanhres padtrymali ŭzbrojenyja siły krainy. Vajskoŭcy nieŭzabavie vystupiać z aficyjnaj zajavaj.

U adstaŭku padali ministr kultury Pieru Silvana Robles, ministr adukacyi Razienda Sierna, ministr justycyi Fieliks Šera, ministr ekanomiki Kurt Burniea, ministr zamiežnych spraŭ Siezar Łanda i ministr pracy Alechandra Sałas i inšyja palityki. Dziejańni Kastylja asudziła vice-prezident krainy Dzina Bałuarte.

Hienieralnaja prakuratura Pieru abvinavaciła kiraŭnika dziaržavy ŭ hrubym parušeńni Kanstytucyi. Kiraŭnik viedamstva Daniel Sorya pryhraziŭ zavieści suprać Kastylja kryminalnuju spravu. Staršynia Kanstytucyjnaha suda Fransiska Marales nazvaŭ toje, što adbyvajecca, pieravarotam. Jon zaklikaŭ Kanhres pieradać paŭnamoctvy kiraŭnika dziaržavy Bałuarte.

Kastylja — były nastaŭnik ź sialanskaj siamji — pieramoh u druhim tury prezidenckich vybaraŭ u 2021 hodzie z vynikam u 50,12% hałasoŭ suprać 49,87% u kankurenta. Jon abahnaŭ sapiernicu — Kiejka Fuchimory ad partyi «Narodnaja siła» — na 44 263 hałasy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?