Pavodle vydańnia, Maskva niepublična dasiahnuła pahadnieńnia z Tehieranam ab pačatku vytvorčaści sotniaŭ bieśpiłotnikaŭ na terytoryi Rasii.
Jak paviedamili troje čynoŭnikaŭ na ŭmovach ananimnaści, rasijskija i iranskija čynoŭniki zaviaršyli ździełku padčas sustrečy ŭ Iranie ŭ pačatku listapada, i abiedźvie krainy chutka ruchajucca da pieradačy prajektaŭ i klučavych kampanientaŭ, što moža dazvolić pačać vytvorčaść na praciahu niekalkich miesiacaŭ.
Dla Maskvy hetaja ździełka moža zabiaśpiečyć vostruju patrebu ŭ vysokadakładnych bojeprypasach, jakich nie chapaje paśla dzieviaci miesiacaŭ vajny.
Lidary Irana mohuć ličyć, što jany paźbiehnuć novych sankcyj, kali bieśpiłotniki buduć fizična sabrany ŭ Rasii, miarkujuć čynoŭniki.
Rasijskija zavody raniej praviali niaznačnyja pierapracoŭki niekatorych z kuplenych u Iranie bieśpiłotnikaŭ, źmianiŭšy, naprykład, nazvu i kalarovuju hamu, kab jany bolš nahadvali rasijskija. Ale dahetul nie było ŭłasnaj vytvorčaści dronaŭ iranskaj raspracoŭki na rasijskaj terytoryi.
