Fota: vecteezy.com
U sabak jość tak zvany orhan Jakabsona (ludzi taksama jaho majuć, praŭda, u nas jon nie tak mocna vyražany). Hety orhan znachodzicca ŭ nosie sabaki i vykarystoŭvajecca dla zboru kaštoŭnaj infarmacyi, i ad čałaviečych noh jaje možna atrymać vielmi šmat.
Potavyja załozy vydzialajuć vilhać, što składajecca z soli, vady i praduktaŭ žyćciadziejnaści. Tłuščavyja załozy, u svaju čarhu, vydzialajuć skurny tłušč i znachodziacca kala vałasianych falikułaŭ. Pot moža źmiešvacca z hetymi vydzialeńniami, i ŭ vyniku sabaka atrymlivaje jašče bolš infarmacyi pra čałavieka, jakoha jon liznuŭ.
Ale mahčymyja i inšyja tłumačeńni taho, što sabaka liža vašy nohi. Moža, vy prosta raniej nie zaŭvažali, jak hadavaniec prosić vašaj uvahi, ci praihnaravali šturchańnie pysaj u vaša plačo? Kali sproby pryciahnuć da siabie ŭvahu nie dziejničajuć, sabaka budzie šukać inšyja varyjanty, i jak tolki vy adčujecie na svaich nahach mokry sabačy jazyk, vy dakładna adreahujecie. Kali ŭsio heta budzie supravadžacca śmiecham i łaskaj, žyvioła zastaniecca zadavolenaja.
Chacia nie ŭsie z hetym zhodnyja, isnuje teoryja, pavodle jakoj sabaki ližuć nohi, kab pakazać svaju pakornaść i prychilnaść. Takija pavodziny zastalisia sabakam ad ich dzikich prodkaŭ, u časy jakich bolš maładyja (a značyć, bolš słabyja) členy zhrai lizali bolš vialikich i starych. Takija pavodziny dapamahali padtrymlivać harmoniju ŭ zhrai. Takim čynam, ablizvańnie noh haspadara moža być adnym z naturalnych dziejańniaŭ sabaki, jakija hłyboka ŭkaranilisia ŭ jaho psichicy.
Ale ž jość roźnica pamiž vypadkovym ablizvańniem noh i dakučlivaj zvyčkaj sabaki. Časam jana moža stać tym sposabam, jaki budzie dapamahać žyviole spraŭlacca z emocyjami i stresavymi situacyjami, i tady moža spatrebicca ŭmiašańnie vieterynara.
Nie padabajecca, kali vaš sabaka liža vam nohi? Prosta nie źviartajcie ŭvahi na jaho, kali jon heta robić, lepš za ŭsio prosta moŭčki pajści ŭ inšaje miesca. Akramia hetaha, uznaharodžvajcie sabaku kožny raz, kali jon nabližajecca da vašych noh, ale nie dakranajecca da ich jazykom ci rotam.
Sabaki mohuć uniuchać čałaviečy stres i dapamahčy padčas prystupaŭ paniki
Čamu katy trucca ab vas, a sabaki namahajucca ablizać tvar: zaołahi raskazvajuć pra dzivactvy chatnich žyvioł
Novaziełandski marski kocik zalez u dom, haniaŭsia za koškaj i palažaŭ na kanapie
