Rasijanie pierad tym, jak adstupić z terytoryi Chiersona, paśpieli vykraści žyvioł ź miascovaha zaaparka. U pryvatnaści, havorka idzie pra janota — pra kradziež rasijskija prapahandysty paviedamili ŭ svaich telehram-kanałach.
Tym časam ruch UAnimals udakładniŭ, što akupanty vykrali z Chiersonskaha zaaparka nie tolki janota, ale i inšych žyvioł: «U Krym jany vyvieźli bolšuju častku kalekcyi zaaparka: ad łamy i vaŭka da asła i vaviorak».
Uładalnik krymskaha zaaparka «Tajhan» Aleh Zubkoŭ apublikavaŭ videa, jak vyłoŭlivaje janotaŭ u Chiersonskim zaaparku.
U roliku niekalki čałaviek u vopratcy ź simvolikaj «Tajhana» vyvodziać žyvioł, u tym liku asła i łamu, z kletak i hruziać ich u furhon. Jak miarkujecca, na kadry trapiła pieramiaščeńnie žyvioł z Chiersonskaha zaaparka ŭ «Tajhan». Zatym Zubkoŭ hołymi rukami vyłoŭlivaje janotaŭ u valjery. Jon padymaje ich za chvasty i kidaje ŭ pieranosku.
