Bataljon «Teror» na podstupach da Chiersona, 11 listapada 2022 hoda. Fota: Telegram / Terrorbel

Bataljon «Teror» na podstupach da Chiersona, 11 listapada 2022 hoda. Fota: Telegram / Terrorbel

Bataljon «Teror» uvachodzić u skład USU. Kolkaść ludziej u padraździaleńni nie vydajecca. Nahadajem, połk Kalinoŭskaha 19 žniŭnia paviedamiŭ, što pastanovaj kamandavańnia vajskovaj čaści Uzbrojenych sił Ukrainy kamandzir bataljona «Teror» z pazyŭnym «Varah» byŭ zvolnieny z USU, a značyć, i z pałka. Bajcy «Teroru» nie pahadzilisia z hetym rašeńniem i vyjšli z pałka, zachavaŭšy najmieńnie svajho bataljona.

«Aleś» u ciapierašni momant znachodzicca ŭ tyle. Jon śmiajecca, što prapuskaŭ treniroŭki, ale potym surjozna tłumačyć: na bajavyja zadańni ŭ bataljonie vychodziać tolki tyja bajcy, jakija padrychtavanyja na ŭsie sto adsotkaŭ.

— Pry nastupie adbyvajecca tak: spačatku iduć małyja hrupy, i ŭžo potym zachodziać asnoŭnyja vojski. Bataljon «Teror» taksama pracuje jak małaja hrupa, my adpracoŭvajem terytoryju, a potym užo padciahvajucca inšyja siły.

Bataljon «Teror» u Chiersonskaj vobłaści, 11 listapada 2022 hoda. Fota: Telegram / Terrorbel

Bataljon «Teror» u Chiersonskaj vobłaści, 11 listapada 2022 hoda. Fota: Telegram / Terrorbel

— Što adbyvajecca ciapier na terytoryi vyzvalenaj Chiersonščyny?

— Mnohija damy razburanyja. Z taho, što bačyŭ asabista ja: ludzi sustrakajuć, radujucca, machajuć rukami. Mnie, naprykład, było vielmi pryjemna, kali ja spyniŭsia ŭ sielskaj kramie, kab kupić kavu. Pradaviec skazała, što płacić nie treba. Abdymała, płakała i ŭ vyniku płatu za kavu tak i nie ŭziała. Takoje staŭleńnie vielmi kranaje, bo zrazumieła, što hrošaj u miascovych vielmi mała, im daviałosia mnohaje pieražyć, — raspaviadaje biełarus. — Znoŭ ža, rasiejcy kažuć, što jany vyvieźli techniku, ale ja sam bačyŭ, jak naš buksir ciahnie tanki z charakternym «manhałam» — mietaličnaj kanstrukcyjaj, jakuju viešajuć na bajavyja mašyny rasijskija vajskoŭcy.

«Aleś» raspaviadaje, što prasoŭvańnie biełaruskich dobraachvotnikaŭ u bok Chiersona pačałosia jašče ŭ pačatku sakavika, kali biełarusaŭ paśla bajoŭ pad Kijevam i adbićcia napadaŭ rasijskich vojskaŭ u Irpieni, Bučy i Hostomieli nakiravali na vykanańnie inšych zadač na paŭdniovy kirunak.

Pieršym ź biełarusaŭ razam z ukrainskimi vajskoŭcami ŭ bok Mikałajeva adpraviŭsia Pavieł «Vołat», jaki kamandavaŭ rotaj, što vykonvaje raźviedvalna-šturmavyja zadačy.

— Pa sutnaści, z pravilnaj vyviedki, u jakuju ŭnieśli svoj układ i biełarusy, a taksama płanamiernaha źniščeńnia voraha, i pačałosia toje, što skončyłasia 11 listapada ŭ Chiersonie, — kaža «Aleś».

Natalla ŭdakładniaje, što hałoŭnaj zadačaj «Vołata» była vyviedka i vyznačeńnie kirunku, na jakim buduć pracavać biełarusy. Ale byli i inšyja zadańni.

— Pavieł byŭ pa prafiesii dyviersantam-raźviedčykam. Na toj momant u rajonie Mikałajeva byli ŭkrainskija vajskoŭcy i Internacyjanalny lehijon. I pieršaje, čym jon razam ź inšymi zajmaŭsia, — heta była raźviedka i vyvad bajcoŭ USU i zamiežnych dobraachvotnikaŭ z paŭkatłoŭ. Taksama jany pravodzili raźviedku ŭ rajonie Kinburnskaj kasy. Na toj momant Pavieł kazaŭ, što šturmavyja dziejańni niemahčymyja, tamu što tam było skancentravana dosyć šmat vojskaŭ praciŭnika, — raspaviadaje Natalla. — Potym jaho spravy ŭžo i praciahnuŭ bataljon «Teror», jaki prybyŭ siudy ŭ kancy viasny.

Akramia vyviedki heta biełaruskaje padraździaleńnie zajmałasia karekciroŭkaj ahniu ŭkrainskaj artyleryi na niekalkich učastkach i strymlivańniem rasijskich vojskaŭ.

— A taksama źniščeńniem žyvoj siły, techniki, składoŭ z bojeprypasami i šturmam pazicyj, — pieraličvaje «Aleś».

— Na jakich jašče kirunkach ciapier pracujuć biełarusy?

— Na ciapierašni momant my nie možam kazać, na jakim kirunku my pracujem, a taksama dzie dakładna znachodziacca našy bajcy. Apieratyŭnaja infarmacyja nie vydajecca. Nam nie dakładvajuć, u jakich nasielenych punktach ciapier znachodziacca vajskoŭcy, ale praca jość, choć Chierson i vyzvaleny. Usie kažuć, što rasijskija vojski adyšli, ale treba razumieć, što jany prosta ŭciakli adtul. Nie treba dumać, što heta byŭ viasioły špacyr. Maŭlaŭ, USU i biełarusy prosta ŭvajšli ŭ apuścieły horad. Vyzvaleńnie Chiersona pačałosia nieŭzabavie paśla pačatku poŭnamaštabnaj vajny va Ukrainie. I ŭkład našych dobraachvotnikaŭ nielha ni ŭ jakim vypadku źmianšać. Mienavita na hetym kirunku zahinuli troje biełarusaŭ: Pavieł «Vołat», strałok-paramiedyk Michaił «Junhier» Šavielski i miechanik-kiroŭca padraździaleńnia, imia jakoha pakul nazvać nie možam. A jašče zastałasia i Kinburnskaja kasa, z vyviedki jakoj i pačynali biełarusy. Z vyzvaleńniem jaje svojeasablivy, navat simvaličny kruh zamkniecca, — kaža «Aleś».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?