Fota: «Minsk-Naviny»
U najbližejšy čas pad znos pojduć damy ŭ miežach vulic Filimonava — Staletava — Ślapianskaj vodnaj sistemy; Arłoŭskaj — Navavilenskaj — Ščadryna — Haja; Vałhahradskaj — Karalenka — Vatucina — Kutuzava; Hrušaŭskaj — Ščorsa i inšych, pišuć «Minsk-Naviny».
Heta źviazana z realizacyjaj Hienpłana horada, kaža namieśnik načalnika adździeła ŭliku i raźmierkavańnia žyllovaha fondu ŭpraŭleńnia žyllovaj palityki Minharvykankama Śviatłana Višnieŭskaja.
Ułaśnikam damoŭ ci kvater, jakija pojduć pad znos, dajuć dva varyjanty na vybar: albo inšaje žyllo, albo hrašovaja kampiensacyja.
Kampiensacyja raźličvajecca pa rynkavym košcie žylla, jakoje znosicca.
U zakonie prapisany jašče takija varyjanty, jak budaŭnictva doma, raŭnacennaha pa dobraŭparadkavańni i ahulnaj płoščy tamu, što byŭ, albo pieranos i adnaŭleńnie doma na inšym učastku. Ale dla Minska takich mahčymaściaŭ ciapier niama.
