Małočka, chleb, kaŭbasy, hiel dla myćcia bializny — abrali samyja papularnyja tavary štodzionnaha ŭžytku i pahladzieli, kolki jany kaštujuć ciapier. Niekatorych marak, ceny na jakija my analizavali bolš jak hod tamu, užo niama ŭ najaŭnaści, tamu dla paraŭnańnia my abirali maksimalna tanny adpaviednik, anałahičny pavodle składu i masy abo abjomu.
Cikava, što niamała praduktaŭ za hod źmianiłasia nie tolki ŭ canie, ale ž i pamienšała ŭ masie. Tak, ciapier vielmi składana znajści 200-hramovaje masła — u asnoŭnym vytvorcy prapanujuć 180 i mieniej hramaŭ va ŭpakoŭcy.
Papularny pitny johurt marki Teos naličvaŭ u butelcy 270 hramaŭ, a staŭ źmiaščać 260. Vialiki pačak čypsaŭ Lay's zamiest 150 hramaŭ staŭ važyć 140.
Bolš za ŭsio z tavaraŭ, jakija my paraŭnoŭvali, padaraželi banany, kiłahram jakich hod tamu kaštavaŭ 2,5 rubli, a ciapier — 5,27.
Taksama rekardsmienam staŭ hiel dla myćcia bializny — vyras u canie amal udvaja: hod tamu jon kaštavaŭ 13,69 rubli, zaraz — 26,95.
Bolš za toje, pamienšaŭ abjom pradukta — ciapier zamiest 20 myćciaŭ pakupnikam prapanujuć 18.
Za hety pieryjad patańnieŭ i kiefir (bieź źmianšeńnia abjoma pradukta). Jabłyki — prychilniki stabilnaści — zastalisia na tym ža ŭzroŭni, dziakujučy dobramu ŭradžaju sioleta.
Samy abjektyŭny pakazčyk — košt cukru, canu na jaki ŭstanaŭlivaje ŭrad, za hod vyras u canie na 79 kapiejek, abo na 46%. Adčuvalna padaražeła hrečka (na 1,72 rubli), rahačoŭskaja zhuščonka (na 1,27) i banany (bolš jak udvaja).
Padrabiaźniej pra źmieny cenaŭ hladzicie ŭ paraŭnalnaj tablicy.
Pradukt | Cana ŭ žniŭni 2021-ha (bieł. rub.) | Cana ŭ listapadzie 2022-ha (bieł. rub.) |
Chleb čorny (0,5 bochana) | 0,66 | 0,77 |
Małako 2,5 % (0,9 ł) | 1,52 | 1,63 |
Kiefir 1,5 % (0,9 ł) | 1,53 | 1,39 |
Jajki (10 št.) | 1,73 | 2,4 |
Cukar (1 kh) | 1,72 | 2,51 |
Sol (1 kh) | 0,46 | 0,68 |
Makarony Barilla (450 h) | 3,29 | 4,18 |
Muka v/h (1 kh) | 1,09 | 1,4 |
Rys (900 h) | 1,73 | 2,86 |
Hrečka (800 h) | 2,64 | 4,36 |
Pšano (800 h) | 1,63 | 1,3 |
Alej (1 ł) | 4,99 | 5,87 |
Masła 82,5 % (200 h) | 3,77 | 4,07 |
Johurt pitny (270 h/ 260 h) | 1,19 | 1,75 |
Syr (500 h) | 7,95 | 9,28 |
Kaŭbasa varanaja (400 h) | 1,99 | 2,56 |
Kaŭbasa syravendžanaja (1 kh) | 17,55 | 18,88 |
Sasiski ( 1 kh) | 3,85 | 5,61 |
Majanez (400 h) | 2,99 | 3,49 |
Šakaładny batončyk Snickers | 1,19 | 2,21 |
Šakaładka Alpen Gold | 1,99 | 2,23 |
Čypsy Lays (150 h/140 h) | 2,99 | 3,39 |
Małako zhuščonaje | 2,19 | 3,46 |
Harbata Lipton (25 pakiecikaŭ) | 1,99 | 2,66 |
Kava rastvaralnaja Nescafe classic (85 h) | 4,83 | 5,75 |
Morkva (1 kh) | 1,49 | 0,61 |
Cybula repčataja (1 kh) | 1,39 | 1,1 |
Tamaty (1 kh) | 1,99 | 4,86 |
Ahurki (1 kh) | 1,1 | 3,9 |
Jabłyki (1 kh) | 1,85 | 1,85 |
Banany (1 kh) | 2,5 | 5,27 |
Vada niehazavanaja (0,5 ł) | 0,69 | 0,71 |
Vada «Baržomi» (0,5 ł) | 2,69 | 3,12 |
Haziroŭka Coca-Cola (1 ł) | 1,99 | 2,32 |
Tualetnaja papiera (4 rułony) | 4,49 | 5,63 |
Myła Palmolive (5 štuk)/ Duru (4 štuki) | 4,15 | 5,65 |
Vadki myjučy srodak Persil (20 myćciaŭ)/(18 myćciaŭ) | 13,69 | 26,95 |
Kałhotki Conte (40 den) | 7,85 | 9,35 |
Daŭno daśledujecie, jak rastuć ceny na pradukty? Majecie staryja čeki i hatovyja padzialicca svaimi nazirańniami? Napišycie žurnalistam u naš telehram-bot. Abo tym redaktaram ci žurnalistam «Našaj Nivy», jakich viedajecie asabista.





