«Ministerstva abarony Rasii: pa najaŭnaj infarmacyi, dźvie arhanizacyi Ukrainy atrymali niepasrednuju zamovu na stvareńnie tak zvanaj brudnaj bomby. Raboty znachodziacca na zaviaršalnaj stadyi», — havorycca ŭ paviedamleńni MZS Rasii ŭ anhłamoŭnym akaŭncie ŭ tvitary.
Na heta paviedamleńnie źviarnuŭ uvahu ŭrad Słavienii, jaki ŭ adkaz napisaŭ, što adzin z fotazdymkaŭ naležyć słavienskamu ahienctvu pa radyjeaktyŭnych adkidach (ARAO) i jon byŭ zrobleny ŭ 2010 hodzie. Malunak vykarystoŭvaŭsia ŭ lekcyjach śpiecyjalistaŭ i ŭ infarmacyjnych materyjałach dy byŭ dastupny dla šyrokaj hramadskaści.
Na fota namalavanyja pradmiety, zahornutyja ŭ polietylenavyja pakiety ź simvałam radyjeaktyŭnaści i nadpisam «radioaktivno», što ŭ pierakładzie sa słavienskaj movy aznačaje «radyjeaktyŭny».
Pavodle paviedamleńnia aficyjnaj Lublany, havorka idzie pra detektary dymu, jakija znachodziacca ŭ ahulnym karystańni. «Jany sapraŭdy ŭtrymlivajuć radyjeaktyŭnyja rečyvy, ale nijakaje z tych, što pieraličanyja ŭ tablicy pad fatahrafijaj», — skazana ŭ paviedamleńni.
Ianizacyjnyja detektary dymu (I-detektary) sapraŭdy ŭtrymlivajuć słabyja radyjeaktyŭnyja rečyvy, tamu jany padlahajuć utylizacyi jak jadziernyja adkidy.
Hienieralny sakratar NATA Jens Stołtenbierh raniej nazvaŭ absurdam zajavy Kramla ab padrychtoŭcy Ukrainy da vykarystańnia «brudnaj bomby». Ale Kreml, tym nie mienš, niekalki apošnich dzion uparta ich paŭtaraje.
Čytajcie taksama:
Maskva pradkazvaje źbićcio mulaža rakiety «Iskander» z radyjeaktyŭnymi materyjałami nad Čarnobylskaj zonaj
«Heta zbroja vypalenaj ziamli». Što takoje «brudnaja bomba» i što rabić, kali jaje padarvuć u Biełarusi
«Rasiejcy časta abvinavačvajuć inšych u tym, što płanujuć sami». Ukrainskija ŭłady adreahavali na słovy Šajhu pra «brudnuju bombu»
ISW: Šajhu sprabavaŭ zapałochać krainy NATA, kab jany mienš dapamahali Ukrainie
