Pa słovach vidavočcaŭ, usio adbyłosia padčas ramontu. Śćviardžajuć, što tralejbus pakaciŭsia prosta z ramontnaj jamy, a ŭ vyniku paškodžańni atrymaŭ nie tolki jon adzin.
«Tralejbus pastavili ŭ boks na ramontnuju jamu. Jon byŭ uklučany, tokaprymalniki byli padklučanyja, a tak być nie pavinna, — raskazaŭ čałaviek, znajomy ź situacyjaj. — Ślesar spuściŭsia ŭniz, staŭ mianiać spružynu piedala chodu. Spružynu źniaŭ — piedal upaŭ. A pakolki tralejbus pracavaŭ, to jon prosta pajechaŭ napierad. Ručnik nie vyratavaŭ. U vyniku tralejbus vyłamaŭ bramu boksa».
«Usiaho mašyna prajechała nie adzin dziasiatak mietraŭ, — dapoŭniŭ surazmoŭca. — Nabirała chutkaść, pakul «rohi» nie źlacieli ź linii. Paśla hetaha chutkaść stała źnižacca, ale spynili chod tolki inšyja tralejbusy — atrymali paškodžańni jašče try mašyny. Ci vyklikali DAI i jak afarmlali heta zdareńnie — mnie nieviadoma».
