Biznes-centr «Chvala». Fota: megapolis-real.by
«Pry zaklučeńni damovy arendy da 1 listapada 2022 hoda (terminam na 1,5 hoda minimalna) arandataru dajucca arendnyja kanikuły na 6 miesiacaŭ, — paviedamlajuć u abviestcy. — Nastupnyja 6 miesiacaŭ staŭka arendy 5 jeŭra, nastupnyja 6 miesiacaŭ — 6 jeŭra».
Arendadaŭcy śćviardžajuć, što ŭsie ofisy (a tut možna znajści płoščy i pa 40 «kvadrataŭ») z ramontam.
Reč u tym, što «Chvala» budavałasia admysłova dla kampanii «Wargaming», jakaja zajmała ŭ svoj čas uvieś budynak. Ale viasnoj 2022 hoda kampanija zajaviła pra svoj sychod ź Biełarusi, paśpieŭšy pradać aktyvy.
Novym ułaśnikam biełaruskaha biznesu stała rasiejskaja Lesta. Adnak da 80% supracoŭnikaŭ Wargaming vyrašyli nie pracavać pad kiraŭnictvam rasijan. «Bolšaja častka ź ich zastałasia ŭ WG i pierajechała ŭ inšyja krainy, nievialikaja častka nie zachacieła rełacyravacca i zvolniłasia, — raskazaŭ adzin ź ciapierašnich supracoŭnikaŭ vydańniu «Zierkało». — Kali hruba, to, pa maich prykidkach, u minskim ofisie Lesta ciapier u rajonie 400 čałaviek. Mahčyma, krychu mienš. Kali raniej u nas byŭ uvieś biznes-centr «Chvala», to ciapier tolki para pavierchaŭ».
Miarkujučy pa ŭsim, paśla sychodu Wargaming płoščy ŭ «Chvali» zastalisia niezapatrabavanymi, što i vymusiła ŭładalnikaŭ abjaŭlać arendnyja vakacyi.
Čytajcie taksama:
«Dniom ja chadziŭ pa parku i roŭ białuhaj». Minčuk raskazaŭ, jak jaho siamja pieražyvaje zakryćcio pryvatnaj škoły
«Prapahanda «russkoho mira». U minskim transparcie kruciać roliki pra historyju Biełarusi — prafiesijny historyk raźbiraje, što ź imi nie tak
