Ryjhikohu. Fota: Ilji Matusichisa, stolitsa.ee
Rezalucyja ŭtrymlivaje biezumoŭnaje asudžeńnie jak samoha faktu napadu na Ukrainu, tak i hałoŭnych jaje detalaŭ — udaraŭ pa mirnych budynkach i hibieli mirnych ludziej, aneksii terytoryj i psieŭdarefierendumaŭ. U dakumiencie taksama ŭtrymlivajecca patrabavańnie vyklučyć Rasiju z Rady biaśpieki AAN.
Niekalki najbolš radykalnych patrabavańniaŭ byli vyklučanyja z rezalucyi. Heta, naprykład, zaklik da ES razarvać dypłamatyčnyja adnosiny z Rasijaj, nie davać palityčny prytułak i vysyłać tych, chto źbieh ad mabilizacyi.
Zhadvajecca ŭ rezalucyi i Biełaruś.
«Ryjhikohu zaklikaje dziaržavy — členy Jeŭrapiejskaha sajuza prajavić adzinstva ŭ prymianieńni ekanamičnych sankcyj, nakiravanych suprać Rasijskaj Fiederacyi i jaje sajuźnika Biełarusi, i sankcyj u dačynieńni da asobnych asob, a taksama sačyć za strohim vykanańniem uviedzienych raniej sankcyj», — havorycca ŭ rezalucyi.
Raniej anałahičnuju rezalucyju pryniaŭ parłamient Łatvii.
