Fota MUS
Cieła 35-hadovaha mužčyny sa šmatlikimi cialesnymi paškodžańniami znajšli ŭ adnoj z haradskich kvater, paviedamlaje «Rehijanalnaja hazieta».
Pavodle papiaredniaj viersii, pryčynaj supiarečnaściaŭ stała zanadta hučnaja muzyka i vyklik milicyi. Kala apoŭnačy na liniju 102 źviarnuŭsia starejšy brat z prośbaj ucichamiryć małodšaha, miełamana. Kali milicyjaniery prybyli pa adrasie, usio ścichła, a samaho parušalnika spakoju nie było.
Ale praź niekatory čas, daviedaŭšysia ad sužycielki ab pryjeździe milicyi, małady čałaviek viarnuŭsia dadomu. Pamiž bratami ŭspychnuła svarka, jakaja pierarasła ŭ bojku. Padazrony biŭ apanienta kułakami i nahami pa hałavie i ciele. Atrymanyja traŭmy akazalisia niesumiaščalnyja z žyćciom, starejšy mužčyna pamior na miescy.
Pa hetym fakcie pryznačyli sudovyja ekśpiertyzy, praviadzieńnie jakich daručana śpiecyjalistam upraŭleńnia Dziaržaŭnaha kamiteta sudovych ekśpiertyz pa Minskaj vobłaści.
U dačynieńni da biespracoŭnaha 21-hadovaha rodnaha brata śledčyja ŭzbudzili kryminalnuju spravu pa artykule «Naŭmysnaje pryčynieńnie ciažkaha cialesnaha paškodžańnia». Svaju vinu fihurant pryznaŭ i raskajaŭsia. Pa słovach padazravanaha, napiaredadni trahiedyi jon užyvaŭ śpirtnyja napoi.
