Ivan Cierciel. Fota: belta.by
«Litaralna ŭ subotu našy kalehi z MUS zatrymali niekalkich asob, jakija rychtavali terakty na šerahu abjektaŭ Biełarusi pa inicyjatyvie BYPOL, jaki całkam kuryrujecca polskimi słužbami. My budziem dziejničać rašuča — na źniščeńnie. Prosta terarystaŭ budziem źniščać», — zajaviŭ Cierciel.
Kiraŭnik KDB nazvaŭ Biełaruś «vostravam stabilnaści», što nibyta nadta ŭražvaje Zachad, i paraiŭ supracoŭnikam MTZ nie chavacca pad plintus, tamu što na ich hladzić moładź. «Na nas z vami moładź hladzić jak na prykład. Tamu nie zabivacca pad plintus, a prajaŭlać svaju mudraść, aŭtarytet, kab supakoić situacyju, kali treba budzie», — zajaviŭ Cierciel.
Raniej MUS zajaviła ab zatrymańni niekalkich čałaviek, jakija nibyta rychtavali terakty i dyviersii ŭ Biełarusi. Viedamstva zajaŭlaje, što jany byli zavierbavanyja BYPOL i atrymlivali zadańni pa zakładcy bombaŭ, instrukcyi ab tym, dzie ŭziać zapalnyja sumiesi ad płana «Pieramoha».
Raniej łukašenkaŭskija siłaviki nie raz vystupali z anałahičnymi zaviedama chłuślivymi zajavami. Tady jak teraryzm interpretavałasia palityčnaja dziejnaść, ci asobnyja chulihanskija akty, abo insceniravanyja vypadki.
Čytajcie taksama:
MUS zajaviła pra zatrymańni ludziej, «jakija rychtujuć terakty i dyviersii ŭ Biełarusi»
