Google demanstruje sistemy dla pieratvareńnia tekstu ŭ videa 1

Videa: imagen.research.google

Kampanija Google daŭno pracuje nad novaj madellu štučnaha intelektu, jakaja pieratvaraje tekstavyja padkazki ŭ videa biez huku. Niadaŭna jana prezientavała dźvie novyja sistemy,pra jakija raspaviadaje The Verge.

Madel dla stvareńnia vysakajakasnych videa Imagen Video vydaje kančatkovyja vyniki adnačasova nievierahodnyja, žudasnyja i tryvožnyja. Najbolš pierakanaŭčymi ŭzorami źjaŭlajucca tyja roliki, jakija paŭtarajuć animacyju.

Najmienš pierakanaŭča vyhladajuć klipy, što paŭtarajuć ruchi realnych ludziej i žyvioł, naprykład, fihura, jakaja zhrabaje śnieh, abo kot, jaki skača na kanapu. Tut defarmacyja i paharšeńnie kadraŭ bolš vidavočnyja.

Tym časam užo abmiarkoŭvajucca mahčymyja etyčnyja prablemy, jakija moža prynieści z saboj hetaja technałohija: ad rasavych i hiendarnych stereatypaŭ dy zababonaŭ, da ich patencyjału dla złoŭžyvańnia (naprykład, stvareńnia parnahrafii biez zhody, stvareńnia prapahandy i dezynfarmacyi).

Daśledčyki Google koratka ŭchilajucca ad hetych pytańniaŭ.

Ale ž pakul Imagen Video — heta daśledčy prajekt, i Google pamianšaje jaho patencyjnuju škodu dla hramadstva, prosta nie publikujučy jaho dla hramadskaści. Prezientavany krychu raniej padobny prajekt Make-A-Video ad Meta taksama abmiežavany.

Ale jak i ŭ vypadku ź sistemami pieraŭtvareńnia tekstu ŭ vidarys, chutčej za ŭsio padobnyja madeli nieŭzabavie buduć tyražavacca i imitavacca starońnimi daśledčykami. Kali heta adbudziecca, źjaviacca novyja prablemy biaśpieki.

U dadatak da Imagen Video asobnaja hrupa daśledčykaŭ Google taksama apublikavała padrabiaznuju infarmacyju ab inšaj madeli pieraŭtvareńnia tekstu ŭ videa pad nazvaj Phenaki. U paraŭnańni z Imagen Video, u centry ŭvahi Phenaki — stvareńnie bolš doŭhich videa, jakija adpaviadajuć instrukcyjam padrabiaznaj padkazki.

3

0

0

8

1

1

Nashaniva.com