15.10.2022
/ 22:24 / Ałharytmičny łacinski varyjant
Nieviadomyja adkryli ahoń pa mabilizavanych na palihonie pad Biełharadam. Ad 11 da 22 čałaviek zahinuli
U Biełharadskaj vobłaści Rasii na palihonie Sołaci adkryli ahoń pa mabilizavanych, jakija treniravalisia tam. Minabarony Rasii paviedamiła, što zahinuli 11 čałaviek, 15 čałaviek paciarpieli. U biełharadskich čatach havorać pra 22 zabitych.
Paviedamlajecca, što ahoń adkryli hramadzianie «adnoj z krain SND». U rasijskich čatach raspaŭsiudžvajecca infarmacyja, što heta byli tadžyki.
Rasijskaje Minabarony śćviardžaje, što heta byŭ terarystyčny akt, i dvoje napadnikaŭ zabityja. «Padčas zaniatkaŭ pa ahniavoj padrychtoŭcy z dobraachvotnikami, jakija rychtujucca da śpiecapieracyi, terarysty abstralali sa strałkovaj zbroi asabisty skład padraździaleńnia», — napisała Minabarony Rasii.
U čatach pišuć, što treciamu napadniku ŭdałosia źbiehčy.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH