Juryj Kaściuk — chłopiec z Bresta, byŭ asudžany na 1 hod chimii za sarvany čyrvona-zialony ściah (heta kvalifikavali jak «źniavahu dziaržaŭnych simvałaŭ»). Z-za «parušeńniaŭ» kaniec terminu pravieŭ u kałonii. Paśla byŭ zatrymany supracoŭnikami KDB pa novym kryminalnym artykule — mahčyma, za ŭdzieł u začynienym čacie «Valejboł pa vychodnych», dzie znachodzilisia inšyja palitviaźni i abmiarkoŭvali ŭmovy ŭtrymańnia. Juryj byŭ aryštavany na 15 dzion, jaho źbili i paškodzili rebra.
Paśla taho, jon pasprabaŭ pakinuć Biełaruś. 15 maja pry sprobie vyjechać u Jerevan z Rasii jon byŭ zatrymany i źmieščany ŭ SIZA.
Z dapamohaj advakata jon padaŭsia na status uciekača, paśla admovy nadać jamu prytułak, Juryj vyrašyŭ abskardzić rašeńnie. 13 kastryčnika prystavy advieźli Juryja ŭ aeraport dla ekstradycyi.
Jak paviedamlajuć pravaabaroncy, jaho źbivali pa darozie tudy i na zvarotnym šlachu. U aeraporcie chłopiec sprabavaŭ naškodzić sabie i parezaŭ žyvot, kab spynić katavańni i niezakonnuju ekstradycyju. Jaho viarnuli ŭ centr časovaha ŭtrymańnia inšaziemnych hramadzian, dzie jon źniaŭ paboi.
15 kastryčnika, siońnia, pavinna była adbycca sustreča z advakatam, ale prystavy vyvieźli Juryja ŭ nieviadomym nakirunku. Advakata nie dapuskajuć i nie dajuć aznajomicca z dakumientami.
