Fota: skrynšot ź videa na jutub-kanale Vladimir Surnin
Sold out u Minsku
Kvitki na staličny kancert Šamana pradajuć pa cenach ad 64 da 144 rubloŭ. Zhodna ź infarmacyjaj na sajcie kvitki.baj, na siońniašni kancert nie zastałosia miescaŭ.
Kvitki na hrodzienski kancert pradajucca pa cenach ad 59 da 84 rubloŭ. Volnymi zastajucca kala 130 miescaŭ.
Samaho Šamana pradaŭcy biletaŭ apisvajuć jak papularnaha rasijskaha śpievaka, paeta i kampazitara, za plačyma jakoha try muzyčnyja adukacyi. Siarod paznavalnych nazyvajuć trek «Ustaniem», jaki jon vypuściŭ 23 lutaha, i «Ja ruski».
Pra zakuliśsie i arhanizacyju padobnych (ideałahičnych) kancertaŭ raspavioŭ były supracoŭnik hrodzienskaj fiłarmonii.
Pieršaje, na što jon źviartaje ŭvahu, — heta miesca praviadzieńnia. Ź jaho słovaŭ, kali ŭ Hrodnie ładziać kancerty dla moładzi z artystami, jakija na słychu, to dla hetaha abirajuć placoŭku kłuba «Baza», a kali adrazu razumiejuć, što nijakaha anšłaha čakać nie varta, to vystup adbyvajecca ŭ zale fiłarmonii.
Fota: skrynšot z klipa da pieśni «Ja ruski»
Dabravolna-prymusovyja słuchačy
«Padobnyja kancerty nie akuplajucca. Ładziać ich zvyčajna vyklučna dziela ptušački. Budzie jon prybytkovym ci nie — absalutna nie maje značeńnia, — kaža surazmoŭca. —
Napaŭnialnaść zały na takich kancertach zabiaśpiečvajuć dabravolna-prymusovymi mietadami. Zvyčajna prymušajuć administrataraŭ vykuplać pa 3-5 biletaŭ, kab tyja potym raźmiarkoŭvali ich pa dziaržustanovach.
Jość administratary, jakija abzvońvajuć usie mahčymyja dziaržustanovy, sprabujučy damovicca ŭ duchu «kupicie kvitki jak premii vašym supracoŭnikam, a my zrobim vam vialikuju źnižku na navahodni pakaz».
Byvali vypadki, kali bilety realizavali, a pa fakcie ŭ zale znachodzicca tolki 200-250 hledačoŭ, pry tym, što zała raźličana bolš, čym na 1200 miescaŭ».
Pa słovach surazmoŭcy, mienavita navahodnija pakazy źjaŭlajucca ledź nie adzinymi mierapryjemstvami, jakija prynosiać prybytak fiłarmonii. Kali paśla praviadzieńnia kancerta fiłarmonija vychodzić u plus, to roźnicu pakidaje sabie, i tracić hrošy na zakupku kaściumaŭ, instrumientaŭ i inšyja patreby.
Kancerty dziela ptušački
U dziaržustanovach, praŭda, pra prybytak časta nie kłapociacca.
«Im usio roŭna, chto pryjazdžaje, aby była ptušačka ŭ płanie, što była praviedziena nieabchodnaja kolkaść kancertaŭ», — upeŭnieny surazmoŭca.
Cikava, što miescy na kirujučych pasadach u hrodzienskaj fiłarmonii, za vyklučeńniem adnaho čałavieka, zajmajuć byłyja siłaviki.
Što tyčycca finansavańnia kancertaŭ, to adbyvajecca heta pa dvuch scenarach. Pieršy — fiłarmonija apłačvaje całkam pryjezd artysta i ŭsie hrošy ad prodažy kvitkoŭ zabiraje sabie. Druhi varyjant — kali usie, u tym liku i artyst, pracujuć na prodaž kvitkoŭ, vykanaŭca zabiraje sabie abumoŭlenuju sumu, a rešta zastajecca fiłarmonii.
Pa słovach surazmoŭcy, čaściej za ŭsio pracujuć pa pieršaj schiemie. «Hanarary vykanaŭcam u asnoŭnym fiksavanyja, kali heta vystup ź niekalkimi pieśniami na pradpryjemstvie nakštałt «Hrodna-Azot», to vykanaŭca atrymlivaje 1000-1500 rubloŭ, kali razmova idzie pra solny kancert, to ad 2500».
Chto vybiraje, kamu vystupać?
Što tyčycca vybaru artystaŭ, jakija buduć vystupać na dziaržaŭnych placoŭkach, to ich śpisy źjaŭlajucca dvuma šlachami. Častku vykanaŭcaŭ abiraje kancertny adździeł samoj fiłarmonii, a inšyja ŭkazańni prychodziać ź Ministerstva kultury.
«Ministerstva daje pieralik artystaŭ, ź jakimi ŭ abaviazkovym paradku treba zrabić kancert, potym hetych «zorak» razpichvajuć pa ŭstanovach kultury», — kaža były supracoŭnik fiłarmonii.
Heta budzie ŭžo nie pieršy vystup Šamana ŭ Biełarusi. 11 červienia jon vystupaŭ na kancercie ŭ Minsku, pryśviečanym Dniu Rasii.
Čytajcie taksama:
Na komika Alaksandra Hudkova ŭ Rasii prosiać zavieści kryminałku za parodyju na pieśniu «Ja — ruski»
U Minsku źbirajecca vystupić aŭtar patryjatyčnych rasijskich piesień «Ja ruski» i «Ustaniem»
Kaho Minkultury ŭklučyła ŭ rejestr arhanizataraŭ kancertaŭ i festaŭ?
teadrały...
jak trapna razumnyja skazali - "Historyja paŭtarajecca dvojčy: pieršy raz u vyhladzie trahiedyi, druhi - u vyhladzie farsu"
takoha marazmu navat pry saŭku nie było...