Fota: sacyjalnyja sietki
Arciom Rybakin — šoŭmien, błohier i pradprymalnik. Jon byŭ vielmi papularny ŭ nulavyja, dziakujučy prajektam «Kłubny štrych» i «Haŭno-pytańnie». Ciapierašniaja abrańnica mužčyny — Tais Łucenka, kastynh-dyrektarka jaho pradakšn-studyi Rybaking Production i režysiorka-pastanoŭščyca imprez i defile.
«Žonka prymusiła palacieć biez zvarotnych kvitkoŭ»
U svaim telehram-kanale mužčyna raskazvaŭ, što ich siamju zaprašali na Paŭnočny Kipr na ekskursii, jakija tam rehularna pravodziać zabudoŭščyki. Ale takija pajezdki im nie byli cikavyja.
«My śviadoma vybrali hetaje miesca na praciahły pieryjad pa rekamiendacyjach siabroŭ, jakija ŭžo nabyli tut nieruchomaść dla siabie ci zdačy ŭ arendu. Ź ich słoŭ zdavałasia, niby tut raj na ziamli. Ale pa prylocie emocyi źmianiali adna adnu litaralna kožny novy dzień.
Mora nadakučvaje, palmy robiacca presnymi. Miesca robiać ludzi, a nam traplalisia samyja roznyja piersony za hetyja try tydni. Pieražyvańni, ślozy, rasčaravańnie, vyśviatleńnie adnosin i maksimalny šok ad čałaviečaha nachabstva zastalisia za miežami sietak. Prosta tamu, što my vielmi chočam, kab našy placoŭki byli zonaj, volnaj ad niehatyvu», — pisali Rybakiny.
U adnym z pastoŭ błohier raskazaŭ, što žonka «prymusiła palacieć usioj siamjoj na Kipr biez zvarotnych kvitkoŭ».
«Rašeńnie było nie adnaho dnia. My aboje raspačali maksimalna šmat dziejańniaŭ. Pracavali 24 na 7, pradavali ŭsio, što drenna lažyć, inviestavali, raźbiralisia z chvastami. I ŭ nas atrymałasia palacieć jakasna i pryhoža», — napisaŭ Arciom Rybakin u instahramie.
VNŽ i studenty ŭ 33 hady
Arciom Rybakin i jaho žonka pastupili ŭ miascovy brytanski ŭniviersitet, kab atrymać vid na žycharstva na Paŭnočnym Kipry.
«My tut zadumalisia ab pastupleńni ŭ brytanskuju VNU. Nu i što, što nam pa 33», — pisaŭ błohier u sacsietkach.
Akazvajecca, heta adzin z samych prostych varyjantaŭ atrymać dakumienty ŭ vypadku, kali svajho žytła na Paŭnočnym Kipry niama (pry najaŭnaści nieruchomaści dazvoł na žycharstva vydajecca aŭtamatyčna).
Dla pastupleńnia, jak śćviardžaje Arciom Rybakin, patrebien tolki atestat.
«Spačatku nijak nie mahli zrazumieć, čamu tut takoje šmatnacyjanalnaje hramadstva i šmat maładych ludziej, a ciapier zrazumieli, što heta miesca, dzie možna atrymać brytanskuju adukacyju i dazvoł na žycharstva na pieryjad navučańnia», — raskazvaŭ błohier.
Kvatera ŭ 112 kvadratnych mietraŭ
Rybakiny raskazvajuć, što na Paŭnočnym Kipry šmat ryełtaraŭ, ale heta zusim nie palahčaje kuplu nieruchomaści.
«Naadvarot pavialičvaje vierahodnaść narvacca na kvateru ŭtraja daražejšuju za realny košt abo na jurydyčna niapravilnuju schiemu.
My nabyli žytło, ale dom jašče nie zdadzieny. Nas čakaje ramont z usimi bytavymi kłopatami», — pisali jany.
Rybakiny abrali žyły kompleks Seaser Resort ad zabudoŭščyka Afik group. Jon znachodzicca ŭ rajonie Iskiele, niedaloka ad uźbiarežža Mižziemnaha mora.
Dom budzie zdadzieny ŭ listapadzie 2024 hoda.
Tak vyhladaje hety žyllovy kompleks. Fota: zabudoŭščyk Afik group
«Pieršapačatkovy ŭznos — 30 adsotkaŭ, i mahčymaść na hetaj padstavie atrymać dazvoł na žycharstva. Rasterminoŭka ad zabudoŭščyka jość na 72 miesiacy», — pisaŭ jon u instahramie.
Kolki siamja vykłała za takuju kvateru, Rybakiny nie pryznajucca, ale raskazvajuć pra košty na inšaje žytło.
Nabyć, naprykład, trochpakajovuju kvateru z hatovym ramontam u sta mietrach ad mora prapanoŭvajuć prykładna za 135 tysiač dalaraŭ. Samyja tannyja studyi možna nabyć za 61-69 tysiač dalaraŭ.
«Jość niekalki varyjantaŭ, što my budziem rabić z kvateraj, — žyć u joj, zdavać u arendu (sam zabudoŭščyk prapanuje zajmacca zdačaj našaj kvatery na praciahu troch hadoŭ i prynosić čysty prybytak), pierapradać (ad katłavana da finału budoŭli kvatery tut daražejuć minimum na 40 adsotkaŭ)», — tłumačyŭ Arciom Rybakin u telehram-kanale.
Na Paŭnočnym Kipry zabudoŭščyki prapanujuć ludziam, jakija pryjazdžajuć hladzieć nieruchomaść, pražyvańnie (3-12 dzion) i tranśfier.
«Plažnyja ryełtary časta prapanujuć takija tury błohieram na rekłamnych umovach, — raskazvaŭ Rybakin u sacsietkach. — Za hrošy zabudoŭščyka pieratvarajuć ich u svaich raboŭ, choć taki tur dastupny kožnamu.
Kali vy źviarnulisia da plažnych ryełtaraŭ, chutčej za ŭsio jany zdaduć vam žyllo minimum u 3 razy daražej za realny košt i buduć rabić vyhlad, što vy im pavinny.
Navat kali vy dakładna daviedajeciesia, što vas padmanuli, plažny ryełtar i jaho saŭdzielniki buduć kazać, što sami ŭ šoku, ale hrošaj vam nichto viarnuć nie prapanuje», — pisaŭ Rybakin u sacsietkach.
Fota: sacyjalnyja sietki
Čytajcie taksama:
«U nas atrymałasia jak u baćkoŭ, ale jak u muža i žonki — nie». Madelka Volha Nikifarava raźviałasia z šoumenam Arciomam Rybakinym
«Tut elektryk — pavažanaja asoba». Biełaruska kupiła kvateru ŭ ZŠA i raskazała za kolki, a taksama niuansy
«Dobra padumajcie, pierš čym siudy pierajazdžać». Kolki kaštuje žyćcio ŭ Emiratach
