Navučańnie prachodzić na anhlijskaj movie pa prahramie International Baccalaureate i doŭžycca 2 hady.
Konkurs adkryty dla kandydataŭ, jakija:
— naradzilisia ŭ žniŭni 2005 — vieraśni 2007 hoda;
— majuć biełaruskaje hramadzianstva, dazvoł na žycharstva ŭ Biełarusi abo paśviedčańnie ŭciekača, vydadzienaje biełaruskaj dziaržavaj. Možna padavacca i z-za miažy.
Adbor prachodzić u 3 tury całkam anłajn na biełaruskaj i anhlijskaj movach. Zajaŭka na 1 tur prymajecca da 24 listapada praz płatformu pa spasyłcy.
Košt navučańnia ŭ UWC — ad 20 da 60 tysiač dalaraŭ na hod. Ale finalisty konkursu atrymoŭvajuć stypiendyju na navučańnie ŭ adpaviednaści ź finansavaj patrebaj siamji, to-bok budzie pakrytaja častka koštu adukacyi, jakuju siamja nie zmoža zapłacić, albo ŭvieś košt dla samych małazabiaśpiečanych finalistaŭ.
«United World Colleges — hłabalny adukacyjny ruch, što robić adukacyju siłaj, jakaja jadnaje ludziej, nacyi i kultury dziela dasiahnieńnia miru i ŭstojlivaj budučyni. Biełaruskija studenty atrymlivajuć stypiendyi ŭ kaledžach UWC z 1992 hoda, a pieršym vypusknikom UWC u 1994 hodzie byŭ Viktar Fiančuk, u budučyni kiraŭnik «Achovy ptušak Baćkaŭščyny».
UWC naličvaje ŭžo bolš za sto vypusknikoŭ ź Biełarusi, mnohija ź ich stali vybitnymi prafiesijanałami i dziejačami ŭ svaich śfierach: architektary, nastaŭniki, pradprymalniki, muzyki i h.d.», — paviedamlaje nacyjanalny kamitet Kaledžaŭ abjadnanaha śvietu ŭ Biełarusi.
