Zadača
Siesilija lubić praviarać łohiku svaich siabroŭ: Džai, Džulijana i Levi.
Tamu Siesilija kaža: «Ja nalaplu kožnamu z vas na łob stykier ź ličbaj (dadatny ceły lik). Usie ličby roznyja, i dźvie ličby składajucca ŭ treciuju».
Jana nalaplaje ličby na łby, potym pavaročvajecca da Džai i pytajecca, jaki ŭ jaje numar. Džaja bačyć, što ŭ Džulijana na łbie 20, a ŭ Levi 30. Jana zadumvajecca na imhnieńnie, a potym kaža: «Ja nie viedaju, jaki ŭ mianie numar». Džulijan kaža: «Ja taksama nie viedaju svajho numara», a potym Levi ŭsklikaje: «Ja taksama!»
Siesilija radasna kaža: «Ja narešcie pastaviła vas u tupik!»
«Nie tak chutka! — adkazvaje Džaja. — Ciapier ja viedaju svoj numar!»
Dyk jakaja ž ličba ŭ Džai?
Padkazka
Džaja moža mieć adnu ź dźviuch ličbaŭ, ale tolki adna ź ich pryviadzie da taho, što Džulijan i Levi abodva nie viedajuć svaich numaroŭ. Čamu?
Rašeńnie pad fota nižej.
Fota: Pixabay
Rašeńnie
Ličba Džai — 50.
Kab zrazumieć heta, davajcie vierniemsia da taho, što Džaja zaŭvažyła pieršapačatkova: jana bačyć, što ŭ Džulijana na łbie 20, a ŭ Levi — 30. Heta aznačaje, što Džaja moža mieć albo 50 (ich suma), albo 10 (ich roznaść).
Kali Džaja vykazvaje zdahadku, što ŭ jaje 10, to Džulijan ubačyŭ by 10 (na Džai) i 30 (na Levi), takim čynam padumaŭšy, što ŭ jaho 20 abo 40 — i skazaŭ by, što nie viedaje, jaki ŭ jaho numar. Ciapier sprava dachodzić da Levi, jaki bačyć 10 u Džai i 20 u Džulijana. Levi padumaŭ by, što ŭ jaho 10 (roźnica) abo 30 (suma).
Ale pačakajcie! Levi nie moža mieć 10, tamu što Siesilija skazała, što ŭsie try ličby adroźnivajucca adna ad adnoj, a ŭ Džai ŭžo 10. Takim čynam, Levi viedaŭ by, što ŭ jaho 30, i skazaŭ by heta. Pakolki jon skazaŭ, što nie viedaje svajho numara, Džaja nie moža mieć 10. Takim čynam, jana zdahadvajecca, što na jaje łbie napisana 50.
Dla paŭnaty nam treba zrazumieć, čamu kali ŭ Džai naleplena 50, Džulijan i Levi adkazali tak, jak jany i adkazali.
Hladzicie: Džulijan bačyć na Džai 50 i 30 na Levi, tak što jon nie viedaje: u jaho 20 ci 80. Potym sprava dachodzić da Levi, jaki bačyć 50 u Džai i 20 u Džulijana. Takim čynam, u Levi moža być albo 30, albo 70, i jon nie viedaje dakładna. Dla bolšaj paŭnaty nam treba pierakanacca, što ŭsie adkazy supadajuć z punktaŭ hledžańnia Džulijana i Levi. Naprykład, kali b u Levi było 70 — to sapraŭdy Džulijan ci Džaja nie zmahli b vyśvietlić svaje ličby raniej? Nasamreč tak.
Dadatkova:
Popular Mechanics źviartaje ŭvahu na chitryk, kali na pieršy pohlad zdajecca, što nichto nie abmieńvajecca nijakaj infarmacyjaj, ale ŭsio ž abmien adbyvajecca dastatkova chitra, kab znajści rašeńnie. Časta padobnyja rašeńni abapirajucca na abmiežavańni, jakija tonka ŭvodziacca ŭ asnoŭnuju častku zadačy. U hetym rašeńni my abapirajemsia na cikavuju detal, jakoj padzialiłasia Siesilija: usie ličby adroźnivajucca adna ad adnoj. Adnak, uličvajučy inšyja abmiežavańni, užo ŭkładzienyja ŭ zadaču, nam hetaja infarmacyja nie patrebna. Čamu?
Krychu infarmacyi, jakaja nam usio jašče patrebnaja, zaklučajecca ŭ tym, što ŭsie ličby dadatnyja i, takim čynam, nie mohuć być roŭnymi nulu. My jašče raz razvažajem, što zdaryłasia b, kali b u Džai było 10. Jak i raniej, kali havorka idzie pra Levi, jon bačyć 10 u Džai i 20 u Džuliana i dumaje, što ŭ jaho 10 abo 30. Na hety raz jon vyklučaje mahčymaść taho, što jon maje 10, dumajučy pra siabie: «Kali b u mianie było 10, to Džulijan ubačyŭ by 10 u Džai i 10 u mianie, i tamu zmoh by zrazumieć, što ŭ jaho 20, bo my ŭsie viedajem, što jon nie moža mieć nul. Pakolki jon skazaŭ, što nie viedaje, jaki ŭ jaho numar, ja nie mahu mieć 10!» Astatniaja častka rašeńnia takaja ž, jak i raniej.
https://d16gbq1owzocfa.cloudfront.net/300786 - Naša Niva, vy robicie roźnicu pamiž ličbaj i likam? A to ja doŭha sprabavała dapietryć, jak heta pa ŭmovie ŭsie ličby roznyje, a ŭ Džulijana i Levi adnolkavyja ličby na łbie (0).