Fota: Sergei Bobylev Sputnik, Kremlin Pool Photo via AP
«Što da ŭdziełu (abjadnanych sił) u śpiecyjalnaj vajennaj apieracyi, dumaju, što ŭ hetym nieabchodnaści niama. Taja hrupoŭka, jakaja vykonvaje zadačy, jana całkam zdolnaja hetyja zadačy vykanać. Razhortvańnie (sił RF i Biełarusi) nacelenaje na toje, kab źniać zaniepakojenaść Alaksandra Ryhoraviča [Łukašenki] i našych biełaruskich bratoŭ», — paviedamiŭ parłamientaryj.
Taksama jon adznačyŭ, što razhortvańnie sumiesnych sił adbyvajecca ŭ adkaz na dziejańni «apanientaŭ», u pieršuju čarhu Polščy, jakaja na miažy ź Biełaruśsiu «prystupiła da razhortvańnia złučeńniaŭ», śćviardžaje Kartapołaŭ.
«Tamu, viadoma, my nie možam zastavacca abyjakavymi… Heta nie novaja hrupoŭka, jana praduhledžanaja ŭ ramkach sajuznaj dziaržavy. I tak i nazyvajecca — Rehijanalnaja hrupoŭka ŭzbrojenych sił Respubliki Biełaruś i Rasijskaj Fiederacyi. Štohod na płanavych vučeńniach adpracoŭvałasia jaje razhortvańnie i vyrašeńnie zadač.
Siońnia prosta pryniataje rašeńnie pa prośbie prezidenta Biełarusi hetuju hrupoŭku razharnuć. U jakim abjomie — pakul rana kazać. Rašeńnie budzie pryniataje hienieralnymi štabami našych krain», — taksama raspavioŭ Kartapołaŭ.
