Fota: «Minsk-Naviny»
U Lidzie KDK ustanaviŭ fakty pavyšeńnia cen u adnym z handlovych abjektaŭ, piša BiełTA. Ceny na asobnyja vidy miasnoj pradukcyi byli pavyšanyja ŭ paraŭnańni z ustalavanymi 6 kastryčnika 2022 hoda. Pišacca, što nibyta padčas pravierki rabotniki handlovaha abjekta sprabavali za śpinaj kamitetčykaŭ źmianić ceńniki na tavary na staryja. Ciapier dajecca pravavaja acenka ich dziejańniam.
Akramia taho, raspačataja kryminalnaja sprava ŭ dačynieńni da zasnavalnika i dyrektara pryvatnaj struktury Babrujska. KDK paviedamlaje, što firma pierapradavała dziaržaŭnym ustanovam adukacyi i achovy zdaroŭja Mahiloŭskaj vobłaści harodninu z handlovymi nadbaŭkami, jakija značna pieravyšali ŭstanoŭlenyja zakanadaŭstvam. Pa niekatorych vidach pradukcyi nadbaŭki dasiahali 600%. Uron dziaržavie acanili ŭ sumu bolš za 10 tysiač rubloŭ.
