U Minskim haradskim sudzie vyniesieny prysud palitźniavolenamu Arciomu Mazaniku, prahramistu, jaki raspracavaŭ u 2020 hodzie mabilnuju prahramu BelScan, z dapamohaj jakoj, jak śćviardžajecca, raspaŭsiudžvaŭ infarmacyju pra pryvatnaje žyćcio i piersanalnyja źviestki siłavikoŭ i pradstaŭnikoŭ ułady, piša «Viasna».
Akramia taho, prahrama dazvalała vyznačać vytvorcaŭ tavaraŭ pa štrych-kodzie i praviarać ich prynaležnaść da pradpryjemstvaŭ, jakija padtrymlivajuć dziejučuju ŭładu. Śledčy kamitet paličyŭ, što BelScan utrymlivaŭ zakliki da dziejańniaŭ suprać nacyjanalnaj biaśpieki.
Sudździa Siarhiej Chrypač pryznaŭ Mazanika vinavatym i pryznačyŭ jamu pakarańnie terminam na 8 hadoŭ va ŭmovach kałonii ŭzmocnienaha režymu. U lipieni mužčynu ŭklučyli ŭ śpis asob, datyčnych da terarystyčnaj dziejnaści.
