«U mianie jość prostaja prośba da ŭsich našych ludziej, jakija znachodziacca na časova akupavanych terytoryjach: rabicie hałoŭnaje — bieražycie svajo žyćcio i dapamahajcie nam asłablać i źniščać akupantaŭ.
Lubym sposabam chavajciesia ad rasijskaj mabilizacyi. Paźbiahajcie pozvaŭ. Starajciesia vyjechać na svabodnuju terytoryju Ukrainy.
A kali vy ŭžo trapicie ŭ rasijskuju armiju, to sabatujcie lubuju varožuju aktyŭnaść, pieraškadžajcie lubym rasijskim apieracyjam, pieradavajcie nam usiu važnuju infarmacyju pra akupantaŭ: ich bazy, štaby, składy bojeprypasaŭ.
I pry pieršaj ža nahodzie pierachodźcie na našy pazicyi. Rabicie ŭsio, kab zachavać žyćcio i dapamahčy vyzvalić Ukrainu».
Siarod inšaha Zialenski zhadaŭ, što, pavodle jaho infarmacyi, u anieksavanym Krymie rasijskija akupacyjnyja ŭłady sprabujuć nabrać u svajo vojska jak maha bolš krymskich tataraŭ, spadziejučysia vykarystańniem ich u jakaści «harmatnaha miasa» vyrašyć takim čynam prablemu ź imi.
