Adnaho z zatrymanych advakataŭ zavuć Michaś Makaraŭ. U 2016 hodzie jon skončyŭ jurydyčny fakultet BDU, a jak minimum z 2019 hoda pracavaŭ advakatam. Na sudzie pa spravie «Revalucyjnaha dziejańnia» jon abaraniaŭ Mikitu Dranca.
Advakata, jak pišuć siłaviki, abvinavačvajuć u «razhałošvańni źviestak papiaredniaha śledstva».
Siłaviki paviedamlajuć pra zatrymańnie hrupy advakataŭ, adnak peŭny čas było viadoma tolki adno imia.
Paśla źjaviłasia infarmacyja ad MUS, što zatrymali taksama advakatku Anastasiju Sahanovič.
Paviedamlajecca, što zatrymanyja pieradali «ekstremisckim» telehram-kanałam piersanalnyja źviestki supracoŭnikaŭ HUBAZiK, Śledčaha kamiteta, prakuratury i sudździaŭ, jakija razhladali kryminalnuju spravu «Revalucyjnaha dziejańnia» (artykuł 407 KK).
Taksama Makaravu i Sahanovič staviać u vinu artykuł 342 KK (Aktyŭny ŭdzieł u hrupavych dziejańniach, jakija hruba parušajuć hramadski paradak).
