Pra heta paviedamiła ahienctva PA sa spasyłkaj na krynicy ŭ brytanskim uradzie.
Pachavańnie brytanskaj karalevy Lizaviety II, što pamierła 8 vieraśnia, adbudziecca 19 vieraśnia.
Čakajecca, što raźvitacca z manarcham pryjeduć kala 500 vysokapastaŭlenych palitykaŭ z usich krain śvietu. Budučaje pachavańnie nazyvajuć najbujniejšym dypłamatyčnym schodam, siarod tych, jakija pravodzilisia ŭ Vialikabrytanii za niekalki dziesiacihodździaŭ.
Raniej ŚMI paviedamlali pra toje, što zaprošanym na pachavańnie haściam rekamiendujuć nie karystacca pryvatnym transpartam — ich buduć razvozić śpiecyjalnyja aŭtobusy. Vyklučeńnie budzie zroblenaje dla prezidenta ZŠA Džo Bajdena z-za mierkavańniaŭ biaśpieki.
Kiraŭniki dziaržaŭ zmohuć uziać na pachavańnie jašče adnaho čałavieka.
