Alaksiej Chilkievič
Sudździa Kaciaryna Muraška pryznała ich vinavatymi pavodle č. 2 art. 191 Kryminalnaha kodeksa. Mužčyn asudzili za rassyłku listoŭ vybarčym kamisijam z zaklikam ličyć hałasy vybarščykaŭ sumlenna i pryznačyli pakarańnie: pa try hady pazbaŭleńnia voli ŭ kałonii ahulnaha režymu. Jak srodki ździajśnieńnia złačynstva kanfiskavanyja telefony palitviaźniaŭ.
Chilkievič musić vypłacić pracesualnyja vydatki ŭ pamiery 2754 rubli 2 kapiejki. Łabanaŭ — 560 rubloŭ 18 kapiejek. Kanvierty, karobki, listy papiery z tekstam, paštovyja marki z materyjałaŭ spravy musiać być źniščanyja.
Viadoma, što Chilkievič byŭ zatrymany 17 lutaha, a Łabanaŭ — 18 lutaha 2022 hoda.
23 žniŭnia prysud pa hetym ža artykule ahučyli ŭ sudzie Maskoŭskaha rajona Bresta. 18-hadovamu palitviaźniu-pieršakurśniku Ramanu Karpuku prysudzili try hady pazbaŭleńnia voli ŭ kałonii ahulnaha režymu za adpraŭku 99 listoŭ členam kamisij pa refierendumie ad imia «palityčnych» sudździaŭ. «Ja chacieŭ, kab refierendum prajšoŭ spraviadliva i pa zakonie», — kazaŭ jon.
