Nočču 13 vieraśnia adbyłosia pasiadžeńnie Rady biaśpieki Armienii.
«Na sustrečy abmiarkoŭvalisia dalejšyja kroki, nakiravanyja na supraćdziejańnie raspačatym apoŭnačy ahresiŭnym dziejańniam Azierbajdžana suprać suvierennaj terytoryi Armienii. Pryniataje rašeńnie ab aficyjnym zvarocie da Rasijskaj Fiederacyi, u Arhanizacyju Dahavora ab kalektyŭnaj biaśpiecy i Radu biaśpieki AAN u metach realizacyi pałažeńniaŭ Dahavora ab družbie, supracoŭnictvie i ŭzajemnaj dapamozie ŭ dačynieńni da ahresii suprać suvierennaj terytoryi Respubliki Armienija», — havorycca ŭ paviedamleńni.
Premjer-ministr Armienii Nikoł Pašynian taksama pravioŭ telefonnyja pieramovy z prezidentam Rasii Uładzimiram Pucinym, a taksama prezidentam Francyi Emanuelem Makronam.
Armienija ŭvachodzić u ADKB naroŭni ź Biełaruśsiu, Rasijaj, Kazachstanam, Kyrhyzstanam, Tadžykistanam i Uźbiekistanam.
