Pra heta zajaviŭ Alaksandr Łukašenka 9 vieraśnia na naradzie z kiraŭnictvam urada.
«Adnoj z tem narady stała ŭdaskanaleńnie zakanadaŭstva ab pradprymalnickaj dziejnaści. Saviet ministraŭ prapanuje madernizavać farmat funkcyjanavańnia hetaha siehmienta ekanomiki, abapirajučysia na dva fundamientalnyja pryncypy — prastatu i spraviadlivaść», — cytuje słovy Łukašenki jaho pres-słužba
«Maja hałoŭnaja ŭmova — heta prazrystaść i mahčymaść kantrolu pradprymalnickaj dziejnaści. Biznes pavinien mieć zrazumiełyja praviły dla startu i rostu, a dziaržava — sumlennaha płacielščyka padatkaŭ i partniora ŭ realizacyi prahram raźvićcia. Toje, što ŭ nas tut koń nie valaŭsia, heta niaŭzbrojenym vokam bačna», — skazaŭ na naradzie Łukašenka.
«Evalucyjnym šlacham nieabchodna stvaryć pradprymalnickaje asiarodździe, jakoje budzie adkazvać zapytam biełaruskaha hramadstva», — zajaviŭ Łukašenka, dadaŭšy, što treba stvaryć pradprymalnikam stymuł da transfarmacyi ŭ jurydyčnuju asobu.
«Treba stvaryć pradprymalnikam stymuł da transfarmacyi ŭ jurydyčnuju asobu. Heta fakt, — skazaŭ Łukašenka. — Heta faktyčna ramieśnik. Heta čałaviek, jaki robić toje, što nichto akramia jaho zrabić nie zmoža. A ŭ nas što adbyłosia? Usie stali pradprymalnikami — ad vajenna-pramysłovaha kompleksu da viasielnych i pachavalnych rytuałaŭ».
