Ranicaj 7 vieraśnia ŭ milicyju pastupiła paviedamleńnie ad supracoŭnika banka ab tym, što ŭ finansavaj ustanovie vyjaŭlenaja niastača hrošaj.
Pavodle śledstva, 53-hadovaja žančyna pracavała ŭ adnym z bankaŭ Viciebska i mieła dostup da bankaŭskaha schovišča. Amal siem hadoŭ jana vykradała adtul hrošy. Dla ŭtojvańnia niastačy prypisvała sumu vykradzienych hrošaj da starych kupiur, jakija zachoŭvalisia ŭ tym ža schoviščy. Žančyna prysvoiła bolš za 205 tysiač rubloŭ.
Jaje zatrymali. Śledčym jana raskazała, što ŭsie hrošy patraciła. Doma ŭ jaje byŭ praviedzieny pieratrus, na jaje majomaść nakładzieny aryšt.
Raspačataja kryminalnaja sprava pavodle č. 4 art. 211 (prysvajeńnie majomaści, ździejśnienaje ŭ asabliva bujnym pamiery) Kryminalnaha kodeksa Biełarusi. Žančynie pahražaje da 12 hadoŭ kałonii.
