Pra źmienu nadvorja ŭ Biełhidramiecie.
«Haračy žnivień źmianiŭsia chałodnym vieraśniem, i siaredniaja tempieratura pavietra pieršaha tydnia kalandarnaj vosieni na 1-6 hradusaŭ nižejšaja za klimatyčnuju normu. Na praciahu nastupnaha tydnia ŭ Biełarusi panižany tempieraturny režym zachavajecca.
U piatnicu ŭ načnyja hadziny tempieraturny fon budzie vielmi kantrasnym: na bolšaj častcy terytoryi Viciebskaj, Mahiloŭskaj i Minskaj abłaściej i miescami pa Homielskaj vobłaści budzie ad 0 da minus 3 hradusaŭ. Miescami minimalnaja tempieratura pavietra składzie +1—6. U paŭdniova-zachodnich rajonach, prykrytych ščylnaj frantalnaj vobłačnaściu, nočču naohuł budzie ad plus 7 hradusaŭ da +10. U vychadnyja i na pačatku nastupnaha tydnia za košt bolš ščylnaj vobłačnaści nočy stanuć na paru hradusaŭ ciaplejšymi, pry hetym vobłačnaść budzie pieraškadžać dzionnamu prahrevu», — rastłumačyli ŭ Biełhidramiecie.
U piatnicu nadvorje budzie pieravažna biez apadkaŭ. Pa paŭdniovym zachadzie krainy projduć daždžy, dniom miescami mocnyja. Dniom pavietra prahrejecca da +12-18, miescami — da +20.
U subotu karotkačasovyja daždžy projduć užo pa bolšaj častcy terytoryi krainy. Unačy ad +2 da +9, a na paŭdniovym zachadzie ad +10 da +12. Dniom słupok termomietra padnimiecca da +10—17, a miescami — da +19.
U niadzielu, 11 vieraśnia, na bolšaj častcy terytoryi respubliki projduć daždžy, miescami mocnyja, mahčymyja navalnicy. Unačy +4—11 hradusaŭ, a ŭdzień +8—14.
Paśla daždžoŭ u siaredzinie vieraśnia zvyčajna iduć hryby.
