Jak piša jaje muž Ihar Iljaš, Kaciaryna pryznajecca ŭ liście, što była vielmi kranutaja hetym miłym aŭtarskim šaržam i słovami padtrymki — «navat ślozy na vačach vystupili».
«Padtrymka ad najlepšaha, na moj pohlad, sučasnaha ruskaha paeta i lubimaha vykanaŭcy, hodnaha čałavieka i hramadzianina — heta toje, što nievierahodna ŭmacoŭvaje duch. Raskryju maleńki sakret: z taho momantu, jak ja pazbaviłasia mahčymaści słuchać svoj płejlist, padborka lubimych piesień pieramiaściłasia ŭ maju pamiać, i na samych krutych pavarotach maršrutu ŭ hałavie zaŭsiody hrała DDT. Čaściej za ŭsio «Svoboda», «Miortvyj horod», «Kapitan Koleśnikov», «Eto vsio», a paśla taho, jak mianie asudzili za «dziaržzdradu» na 8 ź lišnim hadoŭ (choć lišnija — usie) — viadoma ž, «Rodina»… I vialiki dziakuj za antyvajennuju pazicyju. Ja vieru, što «Haspodź nas pavažaje».
