«Apošnim časam, užo bolš za paŭhoda, my nie atrymlivajem adkazaŭ. Naohuł. Heta vielmi zasmučaje i stavić pad sumnieŭ sens i karysnaść našaj pracy. U tych, chto vychodzić na volu, my cikavimsia — ci atrymlivali jany našy listy. I davoli časta akazvajecca, što nie atrymlivali. Nam vielmi nie chočacca prosta spansiravać Biełpoštu i vykidvać u skryniu tysiačy kanviertaŭ i listoŭ, a taksama tracić hrošy ludziej i čas vałancioraŭ», — paviedamlajuć aŭtary prajekta.
Jany taksama zaznačajuć, što ŭ prajekta nie chapaje ruk i resursaŭ na apieratyŭnuju apracoŭku listoŭ, a taksama na mieniedžmient šmatlikich zadač.
«Na žal, u hetych umovach my nie možam spravicca z hetymi vyklikami i prymajem rašeńnie zakryć inicyjatyvu».
Hetaja inicyjatyva była biaspłatnaj. Ludzi dasyłali vałancioram elektronny list dla palitviaźnia, a tyja ŭžo razdrukoŭvali jaho i adpraŭlali. Inicyjatyva pracavała sa śniežnia 2020 hoda.
Danaty, jakija zastalisia, pradstaŭniki inicyjatyvy abiacajuć pierapravić na inšyja prajekty.
