Polšča
1 vieraśnia pa stanie na 11 ranicy ŭ čarzie na vyjezd ź Biełarusi staić usiaho 90 lehkavikoŭ. Bolš za ŭsio mašyn sabrałasia na miažy z Polščaj u punkcie propusku «Brest», tam stajaić kala 50 mašyn. Na «Bierastavicy», dzie pačynajučy z 22 pa 30 žniŭnia ŭ čarzie na vyjezd stabilna znachodziłasia pa 300-500 mašyn, na ranicu 1 vieraśnia vyjezd volny. Rekordnyja pakazčyki dla «Bierastavicy» hetym letam skłali 520 mašyn — stolki lehkavoha transpartu stajała ŭ čarzie na vyjezd a 12-j hadzinie 24 žniŭnia.
Skrynšot z sajta gpk.gov.by pa stanie na 11:00
Litva
Na miažy ź Litvoj nievialikija čerhi jość tolki ŭ «Łošy» i «Bieniakoniach». Tam vyjezdu ź Biełarusi čakajuć pa 20 lehkavikoŭ.
Na łatvijskim kirunku čerhaŭ niama.
Čamu źbirajucca vielizarnyja čerhi ź lehkavikoŭ?
Biełaruskija pamiežniki vinavaciać u hetym svaich jeŭrapiejskich kaleh, jakija nie vykonvajuć abaviazki pa abjomach afarmleńnia transpartu, prapuskajučy praź miažu tolki kala 50% mašyn ad mahutnaści pahranpierachodu. Inšaja prablema ŭ tym, što ź piaci punktaŭ propusku na miažy z Polščaj, dzie možna było prajazdžać na lehkavikach, ciapier pracujuć tolki dva.
Značnaje pavialičeńnie čerhaŭ na miežach z Polščaj i Litvoj u kancy žniŭnia žychary pamiežnych rehijonaŭ tłumačać tym, što mienavita ŭ hety pieryjad mnohija nakiroŭvalisia ŭ ES, kab sekanomić na kupli tavaraŭ dla škoły. Ale, prahnazujuć, takaja cišynia na miežach doŭha nie pratrymajecca.
«Siońnia mnohija pajšli ź dziećmi na liniejki ŭ škoły, niechta pavioz studentaŭ u inšy horad, tamu čerhaŭ niama. Praz 1-2 dni jany chutčej znoŭ źjaviacca, ale naŭradci buduć takimi vialikimi, jak u apošni tydzień leta», — miarkuje surazmoŭca.
Čytajcie taksama:
Čerhi lehkavikoŭ na miažy z Polščaj praciahvajuć raści. Va ŭsim vinavatyja palaki?
