Hetuju infarmacyju vydańniu paćvierdziła krynica, źviazanaja sa śpiecsłužbami Homiela. 

«Zatrymańnie Makavieja prajšło ŭ noč z suboty 30 lipienia na niadzielu 31 lipienia ŭ Homieli. Jaho aŭtamabil Mitsubishi ASX dahnali ź mihałkami homielskija daišniki. Milicyjant mieŭ prykmiety mocnaha ałkaholnaha apjanieńnia. Ad miedycynskaha ahladu admoviŭsia. Spravu zamiać nie ŭdałosia, paśla raznosu na słužbie Makaviej byŭ zvolnieny z RAUS», — cytuje jaho «Fłahštok».

Na pačatku hoda ŭ viedamstvie Alaksieja Makavieja adbylisia trahičnyja padziei. U navahodniuju noč jaho padnačalenyja (supracoŭniki patrulna-pastavoj słužby) u centry Rečycy zatrymali Dźmitryja Uschopava — jon znachodziŭsia ŭ stanie ałkaholnaha apjanieńnia. U tuju ž noč Uschopaŭ pamior. Paśla trahiedyi siłaviki pryznali, što ŭ dačynieńni da maładoha čałavieka była ŭžytaja fizičnaja siła.

Paśla hibieli Uschopava mier da kirujučaha składu rajonnaha adździaleńnia milicyi pryniata nie było: usie načalniki zachavali svaje pasady.

Na staroncy Rečyckaha RAUS Makaviej dahetul znachodzicca ŭ śpisie kiraŭnikoŭ.

U Rečycy ŭ navahodniuju noč pamior zatrymany milicyjantami mužčyna. Svajaki: Jaho da śmierci źbili ŭ RAUSie

Źjaviłasia videa, jak Uschopaŭ sam zachodzić u RAUS. Praź dźvie hadziny jon budzie miortvy

«Nie było narkotykaŭ! Jamu prosta dapamahli pamierci ŭ milicyi». Siabra, jaki źbieh z krainy, raspavioŭ pra Dźmitryja Uschopava

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?