Taksama płanujecca adnavić škleńnie kaplicy i mietaličnyja rašotki, aharodžy i bramki, jakija raniej byli stračanyja. Akramia taho, nieabchodna ŭstalavać kamienny kryž i inšyja źniešnija i ŭnutranyja elemienty. Košt rabot aceńvajecca ŭ sumu kala 20000 rubloŭ. Srodki nakirujuć z haradskoha biudžetu.
Nieahatyčnaja kaplica hienierał-majora rasijskaj armii Alaksandra Rusau była pabudavanaja kala 1896 hoda. Heta samaje staroje pachavańnie na terytoryi vajskovych mohiłak pa vulicy Biełuša, jakoje zachavałasia.
Hienierał Alaksandr Rusau ŭ Hrodnie zajmaŭ pasadu paviatovaha pravadyra dvaranstva. Da pierajezdu ŭ horad jon zrabiŭ vialikuju vajennuju karjeru, kamandavaŭ kavaleryjskaj bryhadaj.
