Fota: pixabay.com
U składzie jajek jość šmat karysnych rečyvaŭ. Naprykład, lutein i zieaksancin spryjajuć zdaroŭju vačej i spaleńniu tłušču, piša onet.pl.
Ale adzin z elemientaŭ jajka — žaŭtok — taksama vielmi dobra ŭpłyvaje na zdaroŭje mozha. Usio heta dziakujučy najaŭnaści ŭ žaŭtku chalinu, ci, inakš kažučy, vitaminu V4.
Chalin źjaŭlajecca vielmi važnym kampanientam ŭ sintezie niejratranśmitera aceciłchalinu — rečyva, jakoje adkazvaje ŭ tym liku i za naš nastroj, pamiać, pracu muskułaŭ i inšyja funkcyi niervovaj sistemy. Chalin taksama dapamahaje vydalać škodny chalesteryn ŁPNP z arhanizma i stymuluje pierystaltyku kišečnika. Dastatkovy ŭzrovień chalinu ŭ arhaniźmie vielmi važny dla ciažarnych žančyn. U asnoŭnym heta źviazana z tym, što hetaje rečyva ŭpłyvaje na zasvajeńnie arhanizmam folijevaj kisłaty.
Takim čynam, chalin — heta važnaje rečyva, ale ž ludzi nie zaŭsiody atrymlivajuć jaho ŭ dastatkovaj kolkaści. U svaju čarhu, deficyt chalinu moža vieści da parušeńniaŭ u pracy serca, piečani i niervovaj sistemy, a taksama, vierahodna, da nakapleńnia ŭ arhaniźmie škodnaha chalesterynu ŁPNP.
Pa danych Nacyjanalnych instytutaŭ zdaroŭja (ZŠA), adno vialikaje jajka, zvaranaje ŭkrutuju, źmiaščaje 147 milihramaŭ chalinu, i źjaŭlajecca druhoj pa vieličyni krynicaj hetaha rečyva paśla jałavičnaj piečani. Ich spažyvańnie moža dapamahčy nie adstavać ad štodzionnaj normy chalinu: dla mužčyn jana składaje kala 402 milihramaŭ rečyva ŭ dzień, dla žančyn — kala 278 milihramaŭ.
Vykidajecie «chvościki» ad višań i čarešań? Vy bolš nie budziecie tak rabić
Adkul na šakaładzie biarecca bieły nalot i što jon aznačaje?
dać zakipieć, adrazu źniać z ahnia. usio. navat kali pakinuć u vadzie da poŭnaha astyvańnia, žaŭtok nie budzie mieć šeraj kajmy, i jaho struktura budzie najlepšaj.
ale možna dastać u luby čas i z haračaj vady, paśla peŭnaha času
nu i sposab dobry jašče tym, što nie treba pilna sačyć za hadzińnikam