U hetym styli — mary ab idealnym žyćci: z vytančanaj fihuraj, domam, mužam i bahaćciem. Bo sama Barbi — simvał raskošy, pośpiechu (chacia, kaniečnie, pytańnie, jakoha) i standartaŭ pryhažości.
Čarhovuju chvalu cikavaści hetamu stylu nadaje anons filma «Barbi» z Marho Robi i Rajanam Hoślinham u hałoŭnych rolach (na ekrany jon vyjdzie ŭ 2023 hodzie).
Modny dom Valentino vypuściŭ viasnoj kalekcyju Pink PP, čym taksama abudziŭ intares da ružovaha. Totał-łuk u adcieńni fuksija — taki dres-kod prapanavali dyzajniery.
Fota: valentino.com
Na ružovy pakłała voka i Kim Kardašjan. A toje, što nosić Kardašjan ź jaje 323 miljonami padpisčykaŭ u instahramie, asudžana na trapleńnie ŭ trendy.
Čarhovaja sproba źviarnuć uvahu na žančyn, ich prablemy i žadańni ci prosta dadać lohkaści ŭ hetym niaprostym śviecie? Jaki b nie byŭ pasył, ružovy nie pakinie jaho niezaŭvažanym.
rozovyj - moj samyj nielubimyj ćviet