Małasolnyja ahurki «nasucha» — hatovyja ŭžo praź niekalki hadzinaŭ + VIDEA 5

Krynica: wikimedia.org

Małasolnyja ahurki nie tolki smačnyja, ale i vielmi karysnyja. Jany ŭtrymlivajuć, u pryvatnaści, acetyłchalin, jaki rehuluje naš kryviany cisk. Jany taksama akazvajuć dabratvorny ŭpłyŭ na pierystaltyku kišečnika. Akramia taho, u małasolnych ahurkach jość prabijatyčnyja bakteryi, jakija ŭmacujuć naš imunitet.

Taksama jany ŭtrymlivajuć vitaminy S, Je, A i K. Jany ŭtrymlivajuć taksama kalij, mahnij, fosfarnuju kisłatu i kalcyj. I heta nizkakałaryjny pradukt — usiaho 11 kiłakałoryjaŭ na 100 hramaŭ (da prykładu, u chlebie — 200 — 250 kiłakałoryjaŭ).

Jak zrabić małasolnyja ahurki «nasucha»? 

Inhredyjenty:

• paŭtara kiłahramy ahurkoŭ,
• try stałovyja łyžki soli,
• pučok kropu,
• šeść vialikich zubčykaŭ časnyku,
• try łaŭrovyja listy,
• prypravy na smak,
• try drobki piercu.

Vam taksama spatrebiacca try vialikija pakiety, jakija možna zaviazać (možna polietylenavyja, ale nie tonkija).

Hatavańnie (u kancy budzie videa, na jakim pakazany ŭvieś praces):

1. Staranna vymyjcie ahurki, abrežcie kancy i raźmiarkujcie ich paroŭnu na try pakiety.
2. Dadajcie sol, narezany krop i zdrobnieny časnyk. Pakładzicie śpiecyi ŭ kožny pakiet.
3. Zakryjcie ich i enierhična padtrasicie, kab usio źmiašałasia. Zatym źmiaścicie pakiety ŭ chaładzilnik. Praź niekatory čas padtrasicie ich znoŭ. Heta harantuje raŭnamiernaje raźmierkavańnie śpiecyj.
4. Pakładzicie pakiety nazad u chaładzilnik. Praz vosiem hadzinaŭ jany buduć hatovyja — ale možna patrymać ich bolej.

38

0

0

4

1

2

Nashaniva.com