Čamu heta važna? Mižnarodnaja supolnaść kaža pra niedachop charčoŭ u śviecie praź niemahčymaść ekspartu ŭkrainskaha ziernia.
Ministr transpartu Litvy prapanavaŭ dva varyjanty:
- Razbłakavać ukrainskija party, kab dastaŭlać ziernie karablami;
- Pieravozić ziernie praź Biełaruś. Heta patrabuje stvareńnia humanitarnaha kalidora.
Pavodle Skuodzisa, užo viaducca pieramovy pra humanitarny kalidor praź Biełaruś, «ale tut treba brać na siabie adkaznaść mižnarodnym instytutam, takim jak AAN ci Jeŭrakamisija».
Ministr transpartu Litvy dadaŭ, što šlach praź Biełaruś zručny, bo na ŭsim im vykarystoŭvajecca adna i taja ž čyhunačnaja kalaina. Ciapierašnija ž pastaŭki praz Polšču, uskładniajucca nieabchodnaściu źmieny ciahnikoŭ na ŭkrainska-polskaj i polska-litoŭskaj miežach, bo ŭ Polščy vykarystoŭvajecca jeŭrapiejskaja kalaina. Heta abmiažoŭvaje abjomy pastavak praz Polšču.
Ukrainskija party zabłakavanyja z-za vajny. Z 24 lutaha sudnachodstva na Čornym mory spyniłasia praź dziejańni Rasii. U partach zabłakavana kala 70 karabloŭ i 90 młn ton ahrarnaj pradukcyi, paviedamiŭ 9 maja premjer-ministr Ukrainy Dzianis Šmyhal. Praz heta Ukraina štodnia hublaje pa 170 młn dalaraŭ, a śviet niedaatrymlivaje pradukty, što viadzie da rostu cen na pradukty i spažyvieckaha kryzisu. AAN 7 maja zaklikała razbłakavać ukrainskija party, kab paźbiehnuć hoładu ŭ śviecie.
