Pavodle źviestak Dziaržrehistru nieruchomaj majomaści, Alaksandru Zinhmanu i jaho svajakam naležyć, pa sutnaści, nievialiki kvartał u Raŭbičach. Jon składajecca z 11 učastkaŭ z šaściu damami, jakija znachodziacca pa susiedstvie.
Ale ŭsio heta źjaviłasia nie adrazu, a pastupova kuplałasia ad 2016 da 2021 hoda. Varta adznačyć, što dziaržava ničoha tut nie pieradavała Zinhmanu biaspłatna.
Asabista ŭ Alaksandra Zinhmana va ŭłasnaści tut siem učastkaŭ ahulnaj płoščaj krychu bolš za hiektar. Častka — dla viadzieńnia asabistaj padsobnaj haspadarki, jašče častka — dla absłuhoŭvańnia troch damoŭ ahulnaj płoščaj kala 1400 kvadratnych mietraŭ.
Svajakam Zinhmana tut naležać try ŭčastki ahulnaj płoščaj kala 0,5 hiektara, a taksama try damy ahulnaj płoščaj kala 1250 kvadratnych mietraŭ.
Voś jak heta ŭsio vyhladała z vyšyni ŭ 2020 hodzie:
Skrynšot videa ź jutub-kanała «Buhryełt Minsk»
Skrynšot videa ź jutub-kanała «Buhryełt Minsk»
Čyrvonym adznačanyja prykładnyja miežy ziamli Zinhmana i jaho svajakoŭ. Ale źviestak ab tym, kamu naležać prajezdy pamiž ŭčastkami, u Dziaržrehistratary niama. Na karcie «Jandeks» hetyja prajezdy naohuł paznačanyja jak vulica ŭ Raŭbičach. Ale na dvuch ujezdach siudy stajać varoty. Padčas pryjezdu žurnalistaŭ jany byli začynienyja.
Damy Zinhmana i jaho svajakoŭ znachodziacca za vysokimi płatami z vonkavym videanazirańniem.
Na ŭčastkach raźmieščany nie tolki damy, ale i niekalki sažałak. Jość taksama haspadarčy błok. Na niekatorych učastkach idzie budoŭla. Na dachu adnaho z damoŭ — niezvyčajnaja skulptura.
Čytajcie taksama: Nabližany da Šejmana, spaborničaŭ z Čyžom u Afrycy, majstar schiematozaŭ — fakty pra aryštavanaha ŭ Konha Alaksandra Zinhmana
