Pa infarmacyi pravaabaroncaŭ, pa stanie na 5 červienia, 12 siabraŭ inicyjatyŭnaj hrupy vyłučenki ŭ kandydaty ŭ prezidenty Śviatłany Cichanoŭskaj padvierhlisia pieraśledu, zatrymańniam i administracyjnamu pakarańniu.

Siarod 9 zatrymanych ŭ miežach kryminalnaj spravy za hvałt u dačynieńni da supracoŭnikaŭ milicyi (art. 364 KK RB) — kiraŭnik inicyjatyŭnaj hrupy Siarhiej Cichanoŭski, a taksama siabry inicyjatyŭnaj hrupy Dźmitryj Furmanaŭ, Jaŭhien Raźničenka i Arciom Sakaŭ.

Na rozny čas zatrymlivalisia jašče niekalki čałaviek, dvoje ź ich aryštavanyja na termin 15 sutak: Artur Sinieha (z Navapołacku) i vałancior kamandy Andrej Zujeŭ.

Pravaabaroncy skłali śpis siabraŭ inicyjatyŭnaj hrupy Śviatłany Cichanoŭskaj, jakich zatrymlivali albo sudzili ŭ administracyjnym paradku:

  1. Uładzimir Maroz (Kobryn) — zatrymlivaŭsia;
  2. Valeryj Ramanovič (Pinsk) — zatrymlivaŭsia;
  3. Alaksandr Miluk (Masty) — zatrymlivaŭsia;
  4. Maksim Kavalevič (Biaroza) — zatrymlivaŭsia;
  5. Kaciaryna Tałankova (Mahiloŭ) — zatrymlivałasia;
  6. Artur Sinieha (Navapołack) — aryšt 15 sutak;
  7. Volha Karakina (Hrodna) — zatrymlivałasia;
  8. Uładzimir Kniha (Hrodna) — zatrymlivaŭsia.

Byli zatrymanyja taksama niekalki dziasiatkaŭ vałancioraŭ kamandy Cichanoŭskaj i prychilnikaŭ zatrymanaha błohiera.

Клас
0
Панылы сорам
0
Ха-ха
0
Ого
0
Сумна
0
Абуральна
0