Zdareńnie adbyłosia kala adnoj z kram u Zavodskim rajonie, paviedamlaje haradskaja milicyja.

19-hadovy chłopiec pajšoŭ u supiermarkiet pa pradukty i pryviazaŭ svajho sabaku da parenčaŭ. Praź niejki čas da žyvioły padyšła žančyna. Pastajaŭšy niekalki chvilin kala špica, jana źniała z sabaki łancužok i źniesła sabaku ŭ nieviadomym kirunku.

Haspadar nieadkładna źviarnuŭsia ŭ milicyju. Pravioŭšy šerah apieratyŭna-vyšukovych mierapryjemstvaŭ i vyvučyŭšy zapisy z kamier videanazirańnia, supracoŭniki adździeła kryminalnaha vyšuku vyśvietlili asobu vykradalnicy. Joju akazałasia 41-hadovaja raniej nie sudzimaja minčanka.

Žančyna patłumačyła pravaachoŭnikam, što ŭ jaje doma žyvie niamieckaja aŭčarka, i, kab sabaka nie sumavaŭ, jana pryniesła dadomu čatyrochnohaha «siabra» z vulicy.

Клас
0
Панылы сорам
0
Ха-ха
0
Ого
0
Сумна
0
Абуральна
0