Krainy Jeŭrazijskaha ekanamičnaha sajuza praciahvajuć abmiarkoŭvać pytańnie ab mahčymaści pierachodu na rasijski rubiel u jakaści adzinaha srodku ŭzajemnych raźlikaŭ. Pra heta paviedamiŭ staršynia kalehii Jeŭrazijskaj ekanamičnaj kamisii Michaił Miaśnikovič u efiry BT-1.

Michaił Miaśnikovič maje namier sustrecca z kiraŭnikami centrabankaŭ usich krain, kab abmierkavać nadzionnyja pytańni, u tym liku adzinuju valutu. Adnak ci budzie heta mienavita rasijski rubiel, pakul što nie jasna.

«Usie krainy JEAES majuć admoŭnaje handlovaje salda z Rasijskaj Fiederacyjaj. Kab raźličycca za impart z Rasii, im brakuje rublovaj vyručki, — rastłumačyŭ Michaił Miaśnikovič. — My pavinny pradać niešta ŭ trecija krainy, za valutu kanviertavać rasijskija rubli i tolki potym pracavać u rublovaj zonie».

«Ni ŭ jakim razie nie pavinna być finansavaj paniki. Nichto nie kaža, što zaŭtra niechta budzie pierachodzić na rasijski rubiel. Nam treba dumać pra dedałaryzacyju, ale pry hetym z adnoj prablemy nie stvaryć inšuju», — dadaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0