Karaleva Vialikabrytanii Lizavieta II padpisała pryniaty parłamientam zakon ab vychadzie krainy ź Jeŭrapiejskaha sajuza, tym samym paćvierdziŭšy, što breksit adbudziecca 31 studzienia, paviedamlaje BBC.

Zakonaprajekt ciapier staŭ zakonam, i jon paćviardžaje vychad Brytanii ź ES 31 studzienia.

Padpisańnie karalevaj zakonaprajekta ličycca farmalnaściu. Jak praviła manarch padpisvaje ŭsie zakony, uchvalenyja parłamientam.

U adpaviednaści z płanam premjera Borysa Džonsana, uchvalenym parłamientam u śniežni minułaha hoda, Brytanija pavinna aficyjna pakinuć Jeŭrasajuz 31 studzienia a 11 hadzinie viečara.

Jeŭraparłamient prahałasuje pa pytańni zhody na vychad 31 studzienia. Čakajecca, što jeŭradeputaty ŭchvalać užo pryniatuju brytanskim parłamientam ździełku ź ES.

Клас
0
Панылы сорам
0
Ха-ха
0
Ого
0
Сумна
0
Абуральна
0