Kiraŭnik «Art Siadziby» Aleś Śnieh raspačaŭ čelendž #dadajmocy, sens jakoha — padtrymać krutyja biełaruskija inicyjatyvy, prajekty, arhanizacyi.

Praviły prostyja: treba padtrymać try hramadskija arhanizacyi (inicyjatyvy, prajekty) i pieradać estafietu trom ludziam. Jany musiać zrabić tak ža.

Aleś Śnieh pierakanany, što ŭ hramadstva atrymajecca i nadalej rabić paśpiachovyja prajekty, kali biełarusy i biełaruski buduć padtrymlivać ich u hetym. Finansavaja padtrymka ad svaich ža hramadzian natchniaje na šmatlikija pieramohi. Hety čelendž skiravany na toje, kab pakazać, što padtrymlivać biełaruskija prajekty i arhanizacyi musić stać naturalnym dla kožnaha i kožnaj.

Da akcyi dałučyłasia paetka Daša Bialkievič, jakaja padtrymała «Imiony», Biełaruska-ruski słoŭnik dla daškolnikaŭ i 1 kłasa i «Art Siadzibu».

Pradprymalnik i hramadski dziejač Pavieł Biełavus padtrymaŭ prajekty «Kartahrafija VKŁ», stvareńnie multfilma «Vožykavaja palanka» ź mniemaničnymi vieršykami i vypusk biełaruska-ruskaha słoŭnika-razmaloŭki. Estafietu Pavieł pieradaŭ Mikitu Broŭku, Francišku Viačorku i Alesiu Zarembiuku…

Vy taksama možacie dałučycca da čelendža. Prosta znajdzicie try prajekty, jakija padtrymajecie, i pieradajcie estafietu dalej.

«Razam my zmožam zrabić cud na śviaty mnohim hramadskim prajektam u Biełarusi», — śćviardžaje inicyjatar čelendža Aleś Śnieh.

Клас
0
Панылы сорам
0
Ха-ха
0
Ого
0
Сумна
0
Абуральна
0