Alfa-Bank adkryŭ u centry Minska pieršy ŭ krainie kavorkinh, dzie možna biaspłatna papracavać, pravieści pieramovy, adpačyć ci pierakusić. Šmatfunkcyjanalnaja prastora susiedničaje z kafe i bucikami na pieršym paviersie handlovaha centra pa adrasie Niamiha, 5, a ŭnutry adkrytyja pieramoŭnyja, kanfierenc-zała, navučalny kłas i zona rełaksu.
Kavorkinh zajmaje adrazu dva pavierchi i moža źmiaścić da 150 čałaviek. Asnoŭnaja zała ŭklučaje ŭ siabie pracoŭnyja miescy ź biaspłatnym Wi-Fi, piersanalnymi kampjutarami (kali niama noŭtbuka), televizarami, pryntarami i skanarami. Praduhledžanyja navat skryni dla zachoŭvańnia, a ŭ jakaści pryjemnaj opcyi — duchmianaja kava. Pracoŭnyja miescy možna zabraniravać biaspłatna, a karystacca — z 9 ranicy da 19 viečara.
Chab taksama atrymaŭ 6 pieramoŭnych pakojaŭ na 4—5 čałaviek kožny. Dla prezientacyj i sieminaraŭ možna vykarystoŭvać navučalny kłas na 25—30 čałaviek ci kanfierenc-zału, jakaja ŭmiaščaje da 55 čałaviek. Usie jany abstalavanyja łaziernymi prajektarami. Adpačyć možna ŭ zonie-łaŭnž ci ŭ kaviarni.
«Pa sutnaści, u centry Minska źjaviŭsia pieršy ŭ krainie bankaŭski kavorkinh, dzie ŭsio biaspłatna. Možna pracavać, adpačyvać, sustrakać haściej ci chacia b vypić kavy, — kažuć u Alfa-Banku. — Usio heta — łahičny praciah ekasistemy, jakuju bank farmiruje apošnija hady. Novaje miesca budzie asabliva papularnym siarod tych, kamu patrebny ŭłasny ofis, miesca dla pieramoŭ ci praviadzieńnie prezientacyj. Chacia my budziem rady i tym, chto prosta choča źmianić abstanoŭku».
U prastory adyšli ad karparatyŭnaha dyzajnu. Unutry šmat dreva, mietału, na ścienach — matyvujučyja teksty, a sa stolaŭ źvisajuć lampački ŭ kanonach łofta. Dla azdableńnia kožnaha pamiaškańnia padabranyja asobnyja kolery.
Trapić biznesmienam u kavorkinh možna tolki ŭ budnija dni, a pracavać stolki, kolki treba. Limity i papiaredniaja broń dziejničajuć tolki na pieramoŭnyja i kanfierenc-zały.
